Гал түймрийн улмаас хохирсон зүүн гурван аймгийн иргэдэд туслах зорилгоор Дундговь аймгийн ЗДТГ-аас "Нэг өрх, нэг хонь" хандивын аян зохион байгуулжээ. Мөнгөн хандив, малын тэжээл, хүнсний бүтээгдэхүүн зэрэг нь нийлээд 900 гаруй сая төгрөг болсон талаар тус аймгийн засаг дарга С.Мөнхчулуун хэллээ.
Тэрбээр энэ талаар "Зүүн гурван аймагт ойт хээрийн түймэр гарч олон өрх, 6000-7000 мал галд өртөж шатсан харамсалтай зүйл болсон. Үүнтэй холбоотойгоор Дундговь аймгийн засаг даргын хувьд уриалга санаачилга гаргаж, "Нэг өрх, нэг хонь хандивын аян"-ыг санаачлан зохион байгуулсан. 03-р сарын 15-аас энэ сарын нэгэн хүртэл энэ хандивын аяныг зохион байгуулан, амжилттай дуусгалаа. Нийт 1800 орчим Төрийн байгууллага, ААН, ТББ, хувь иргэд тус хандивт оролцсон байна. Нийтдээ 3600 орчим хонь ямаа цугласан байна. Мөн бэлэн мөнгөөр 70 орчим сая төгрөг цугласан" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна