Н.Тэгшбаяр: Харцага Г.Ганхуяг үзэл бодлоо илэрхийлэх эрхтэй ч хүн хорооно гэж рекетлэх эрхгүй

Улсын харцага Г.Ганхуяг ЗГХЭГ-ын дарга Н.Учрал болон доктор Н.Тэгшбаяр нарын амь насанд халдахаар заналхийлсэн хэргээр саатуулагдсан. 

Тэгвэл Н.Тэгшбаяр өөрийн цахим хуудаснаа ийнхүү бичжээ. 

Тэрбээр, 

"Харцага Г.Ганхуяг үзэл бодлоо илэрхийлэх эрхтэй ч хүн хорооно гэж рекетлэх, бусдыг гэмт хэрэгт уриалах эрхгүй.

Иргэн Г.Ганхуягийн бусдыг хороох тухай бичсэн постыг олон хүн хуулбарлан, буу шийдэмтэй зургийн хамт түгээж байгаа нь бусдыг санаатай гэмт хэрэгт татан оруулах, гэмт хэрэг үйлдэхэд зориуд хүргэсэн уриалан дуудсан үйлдэл юм. 

Олон гүжир гүтгэлэг, амь насанд заналхийлсэн дарамт шахалт надад болон бусад шинжээчээр ажилласан хүмүүст өдөр тутам ирж байгаа хэдий ч бид улс орныхоо эрх ашиг, хөгжил дэвшлийн төлөө үзэл бодлоо илэрхийлсээр, дуугарсаар байх болно.

Салбар бүрийн эрдэмтэн мэргэд, мэргэжлийн шинжээчид, эмч, багш, инженер, сэхээтнүүд сэрэх цаг иржээ. Бид дуугарч, үзэл бодлоо илэрхийлж бурууг засч залруулж бурууд нүд хурц байж улс орныхоо хөгжлийн төлөө дор бүрнээ дуугарахгүй бол ганц нэгээрээ дуугарсан нь нэр төрөө гутаалгаж гүтгүүлж гүжирдүүлж, бүр амь насаа ч алдах нөхцөл байдал үүсээд байна.

Та бид ирээдүй хойч үр хүүхдийнхээ амьдрах тухтай орчин, сэтгэлгээний эрүүл орчны төлөө салбар бүртээ хүчээ өгөн ажиллахын зэрэгцээ үзэл бодол байр сууриа тод хурц илэрхийлдэг байхыг уриалж байна" гэжээ.