Инфльюнсер Oogii Flower бусдыг рецедив гэмт хэрэгтнүүдээр дарамтлуулж, их хэмжээний хохирол учруулжээ

Цахим орчинд Oogii Flower гэх нэрээр Австрали улс руу оюутан зуучлагч О.Оюунцэцэг нь сургууль бариулсан компанийнхаа захирлыг луйвардаж, рецедив гэмт хэрэгтнүүдээр дарамтлуулан их хэмжээний хохирол учруулжээ. Уг хэргийн хохирогч Х.Хашбаяр манай сайтын редакцид холбогдож энэ талаар мэдээлэл өглөө. 

Х.Хашбаяр нь “Лайт хаус хайбрид техноложи” ХХК-нийн хувьцаа эзэмшигч бөгөөд тэрбээр О.Оюунцэцэгтэй хамтран сургууль барих, сургууль барихад шаардлагатай санхүүжилтийг 50, 50 хувиар хувааж гарган ашиглалтад оруулах гэрээ байгуулсан аж. Гэсэн ч  О.Оюунцэцэг хөрөнгө оруулалтынхаа мөнгийг өгөхгүй, зардлын 10 хувьд л тэнцэх мөнгө гаргасан хэдий ч сургуулийн бүхий л ашиг, орлогыг ганцаараа авч, сургууль ашигласан цахилгаан , түрээсийн мөнгөө ч өгөлгүй өдийг хүрсэн байна.  

Х.Хашбаяр "О.Оюунцэцэг "Хамтран сургууль байгуулъя", Австрали улсаас хөрөнгө оруулалт хийнэ" гэж гэрээ байгуулсан. Гэвч хөрөнгө оруулалтын 1 сая доллар нь орж ирээгүй. Манай компани төслөө дуусгахын тулд мөнгөө гаргаад сургуулийг нь дуусгаад өгсөн. Гэвч үүнээс хойш О.Оюунцэцэг бидэнтэй уулзахгүй зугтаж, сургуулийн барилгыг ганцаараа ашиглан, хүүхдүүдийн төлбөр, зуучлалын мөнгийг аваад явсан. 

Мөнгөө олж авах гэсэн намайг рецедив гэмт хэрэгтнүүдээр дарамтлуулан амь насанд халдахыг завдсан. Улмаар тэд нийлж хуулийн цоорхойг ашиглан миний эд хөрөнгийг булаах ажлыг хийж намайг гэмт хэрэгтэн болгосон. 

Одоо би гадаад улсад байна. Эх орондоо, гэр бүлдээ очиж энэ асуудлуудыг цэгцэлж, төслөө дуусгаж хэдэн зуун захиалагчдаа байрыг нь хүлээлгэж өгмөөр байна" гэсэн юм.