Олны анхаарал татсан хэргүүдийн талаар мэдээлэл хийнэ

09.00 цагт Эрүүл мэндийн яамны сургалтын “Б“ танхимд Осол гэмтлээс сэргийлэх “хүүхдийн түлэгдэл-эцэг эхийн хариуцлага” сэдэвт сургалтыг Нийслэлийн харьяа цэцэрлэгүүдийн эрхлэгч, сургалтын арга зүйч нарт зориулан явуулах гэж байна. Энэ хуралд ЭМЯ-ны Төрийн нарийн бичгийн дарга Д.Очирбат, Э. Галбадрах, ГССҮТ -ийн Түлэнхийн тасгийн эрхлэгч, Ж. Баясгалан, Гэр бүлийн боловсрол, судалгааны хүрээлэн, гэр бүл судлаач, Г. Сэлэнгэ, НЭМҮТ-ийн осол гэмтэл хариуцсан мэргэжилтэн, Д. Ундрах, ГБХЗХГ-ын мэргэжилтэн зэрэг албаны хүмүүс оролцоно.

10.00 цагт НЗДТГ-ын А танхимд хотын дарга С.Батболд иргэдтэй уулзана.

11.00 цагт Зууны мэдээ сонины Үндэсний мэдээллийн төвд 300 гаруй уран бүтээлчдийн нэгдсэн “Эх ундарга” ардын урлагийн их наадмын талаар мэдээлэл хийнэ.

11.00 цагт “MN-Мэдээллийн төв”-д “Оном” сан, “Өвчтөн нийгмийн төлөөллийн зөвлөл” хамтран Эрүүл мэндийн сайд А.Цогцэцэгийн гаргасан Элэгний С вирусын эмийн хуваарилалттай холбоотой асуудлаар мэдээлэл хийнэ.”

11.00 цагт Спортын төв ордны хурлын танхимд Пара цанын ДАШТ-д оролцох баг тамирчид хэвлэлийн хурал зарлалаа.

11.40 цагт НМХГ-ын 5 давхарын хурлын танхимд Нийслэлийн Мэргэжлийн хяналтын газар, Туркийн хамтын ажиллагаа зохицуулах агентлагууд/ТИКА/ хамтран хэрэгжүүлэх төслийн хэлэлцээрт гарын үсэг зурах ёслол болно. Төслийн зорилго нь Авто тээврийн шалган нэвтрүүлэх товчоодын ажлын байрны орчинг сайжруулах, улсын байцаагчдын хувцас, багаж хэрэгсэл, тоног төхөөрөмжийг сайжруулахад чиглэх юм.

12.00 цагт МҮЭ-ийн холбооны байр, 4 давхарын хурлын танхимд Шатахууны үнэ нэмэгдсэн асуудал болон цаг үеийн асуудлаар МҮЭ-ийн холбооны удирдлагууд мэдээлэл хийнэ.

15.00 цагт Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхээс 2016 оны шүүн таслах ажиллагааны тайлан мэдээ, олны анхаарал татсан эрүүгийн хэргүүдийн шийдвэрлэсэн байдал зэрэг сэдвээр хэвлэлийн бага хурал хийнэ. Сонгинохайрхан дүүргийн 17 хороо 34 байрны урд байрлах Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн байранд болно.