Өнөөдөр болох үйл явдлууд

-3 сарын 13-ны Даваа гарагт 11:00 цагаас Монгол Ньюс мэдээллийн төвд Ардчилсан намын гишүүд цаг үеийн асуудлаар мэдээлэл хийнэ.

-Өнөөдөр буюу 3.13-нд 09-17 цаг хүртэл Шангри-Лад ЭМЯ, НЭМҮТ, Швейцарийн хөгжлийн агентлаг, НҮБ Хүүхдийн Сантай хамтран “Хүйтэн уур амьсгалтай орнуудын ариун цэврийн байгууламжийн шийдэл” сэдэвт Олон улсын зөвлөлдөх уулзалтыг 2017 оны 3 сарын 13-14-ны өдрүүдэд зохион байгуулна. Хүйтэн уур амьсгалтай орнуудын онцлогт тохирсон ариун цэврийн байгууламжийн зохистой шийдлүүдийн талаар туршлага солилцож, байгаль орчинд ээлтэй, дэвшилтэт технологи бүхий сайжруулсан ариун цэврийн байгууламжийн хүртээмжийг нэмэгдүүлэх асуудлыг хэлэлцэнэ. Утас: 99124735, 99808410

-НҮБ-ын Хүнс, хөдөө аж ахуйн байгууллагаас олгож буй өвөлжилт, хаваржилт хүндэрсэн аймаг, сумдын 3,500 малчин өрхөд нийт 700,000 ам.долларын өртөг бүхий малын сувиллын багцын тусламжийн цувааг өнөөдөр буюу 03 дугаар сарын 13-ны 10:00 цагаас 22-ын товчооноос аймгууд руу үдэн гаргана. Арга хэмжээнд Монгол Улсын Шадар сайд У.Хүрэлсүх оролцох юм. Холбогдох утас: 99249813

-Өнөөдөр буюу 3 сарын 13-ны өдрийн 14.00 цагт “НИЙТЭЭР ЭЗЭМШИХ МОНГОЛ ХЭЛ” ном болон WWW.MONGOLKHEL.MN цахим хуудасны танилцуулга, олон нийтийн эх хэлний боловсролын талаарх хэлэлцүүлэг болно. Уг бүтээлийг мэргэжлийн бус, энгийн олон нийтийн эх хэлний мэдлэгийг дээшлүүлэх зорилгоор бүтээсэн юм.
Хэзээ: 2017.03.13-ны даваа гаригийн 14.00 цаг
Хаана: МУИС-ийн Эрдмийн танхим буюу дугуй заал
Зохион байгуулагч: МУИС-ийн Монгол судлалын хүрээлэн
Лавлах утас: 99018026

-Өнөөдөр 10 цагаас Хууль зүйн үндэсний хүрээлэнгийн байранд Шүүхийн шийдвэр гүйцэтгэх тухай хуулийн шинэчилсэн найруулгын төслийн хэлэлцүүлэгтэй.