Энэ сарын 14-25-ны өдрүүдэд зохиогдох Дэлхийн тусгай олимпийн өвлийн наадамд эх орноо төлөөлөн оролцох баг тамирчид өнөөдөр Австри улсыг зорин аян замдаа гарлаа. Уг олимпийн наадамд өвлийн спортын 9 төрлөөр 107 орны 300 орчим тамирчин өрсөлдөх бөгөөд манай улсаас 14 тамирчин гүйлтийн цана, цасны гулгалттай гүйлт, заалны бөмбөгтэй хоккейн төрлүүдээр оролцох юм.
“Ялалт байгуулахад минь туслаач... Хэрэв би ялж чадахгүй бол, ялалт авч ирэх оролдлогыг минь зоригжуулаач” уриан дор зохион байгуулагдаж буй Тусгай олимп нь оюуны бэрхшээлтэй хүмүүст спортын уралдаан, тэмцээнээр дамжуулан урам өгөх, бие бялдрыг нь хөгжүүлэх, тэднийг эрүүл хүмүүстэй адил тэгш эрхтэй иргэн гэдгийг нь олон нийт, нийгэмд таниулах зорилготой бөгөөд өвлийн болон зуны олимп хоёр жил тутамд зохион байгуулагддаг билээ.
Э.Сугар
Сэтгэгдэл бичигдээгүй байна