Доналд Трампын том хүүд учир битүүлэг нунтаг илгээмжээр ирж, эхнэрийг нь хороох дөхжээ

АНУ-ын ерөнхийлөгч Доналд Трампын том хүү, 40 настай Доналд Трамп Жуниорт Даваа гарагт нэгэн илгээмж иржээ. Өглөөний 10 цагийн орчимд эцэг эхийнхээ гэрт байсан Доналд Трамп Жуниорын эхнэр Ванесса нөхөртөө хаягласан захидлыг нээж үзтэл дотроос нь үл мэдэгдэх цагаан өнгийн нунтаг гарч иржээ. 

Өдгөө 40 настай загвар өмсөгч Ванесса Трамп илгээмжийг онгойлгосныхоо дараа ханиалгаж, толгой нь эргэж эргэж, биеийн байдал нь муудаж эмнэлэгт хүргэгдсэн байна. 



Гэсэн хэдий ч Ванесса халдваргүй, эрүүл хэмээн оношлогдож гэртээ буцаж иржээ. Цагдаагийн байгууллага цагаан нунтаг юу байсан талаар албан ёсны мэдэгдэл хийгээгүй байгаа бөгөөд харин хуулийн байгууллагууд нунтгийг энгийн нэгэн крахмал/цардуул байсан хэмээн Нью Йорк сонинд мэдэгджээ. 



Доналд Трамп Жуниор эхнэртээ тохиолдсон явдлын дараа өөрийн твиттер хуудсандаа ''Зарим хүмүүс өөрсдийн үзэл бодлоо байж боломжгүй аргаар илэрхийлдэг нь үнэхээр жигшмээр юм'' хэмээн жиргэжээ.