Монгол Ардын Нам ИТХ-ын сонгуульд үнэмлэхүй ялалт байгуулжээ

Сонгуулийн тухай хуулийн дагуу 10 сарын 07-ны өдөр Дорноговь, Сүхбаатар аймаг болон Нийслэлийн Багахангай дүүрэгт “Иргэдийн төлөөлөгчдийн хурал”-ын дахин болон нөхөн сонгууль болж дууслаа.

Энэ өдөр орон нутгийн найман тойргоос гадна Хөвсгөл аймгийн Хатгал тосгоны Захирагчийн сонгууль болсон юм.

Үүнээс Дорноговь аймгийн

- Алтанширээт сумын ИТХ-ын сонгуулиар МАН 100%,

- Улаанбадрах сумын ИТХ-ын сонгуульд МАН 61,8%     АН 38,2%

- Дорноговь аймгийн ИТХ-ын сонгуульд МАН 69,4%,    АН  30,6%

- Замын-Үүд сумын ИТХ-ын сонгуульд МАН 64,7%       АН 35,2%

- Сайншанд сумын ИТХ-ын сонгуульд МАН 70,5%       АН 29,5%-ийн  тус тус санал авсан байна.

Өөрөөр хэлбэл Монгол Ардын Нам Дорноговь аймгийн таван тойрогт илт давуу ялжээ.

Түүнчлэн нийслэлийн Багахангай дүүргийн 1 дүгээр тойрогт болсон ИТХ-ын нөхөн сонгуулиар МАН 62,6%, АН 32,3%-ын санал авч мөн л Монгол Ардын Нам ялсан байна.

Харин Сүхбаатар аймгийн 2-р багт болсон сонгуулиар АН ялалт байгуулсан бол Хөвсгөл аймгийн Хатгал тосгоны Захирагчийн сонгуульд Монгол Ардын Нам ялалт байгуулсан гэсэн мэдээлэл ирлээ.

Ямартай ч намуудын чансааг шалгах шалгуур болно гэж үзэж улс төр судлаачид болон ажиглагчдын анхаарлын төвд байсан 9 тойрогт болсон сонгуулийн 7 тойрогт нь Монгол Ардын Нам үнэмлэхүй ялалт байгуулжээ.