2 сарын 15: Өнөөдөр болох үйл явдал

Улс оронд өнөөдөр болох үйл явдлуудын хураангуйг хүргэж байна.​

09.00 цагт. 
-МУИС-ийн 1-р байранд МУИС-ийн дотоод төслийн батламж гардуулах ажиллагаа болно. Энэ жил МУИС-ийн эрдэмтэн багш нарын боловсруулсан өндөр түвшний 10 төсөл, залуу судлаачийн тэтгэлгийн 11 төсөл, инновацийн 4 төсөл болон судалгааны суурь зардал зэрэгт нийт 830 сая төгрөгний санхүүжилтийг олгох бөгөөд өнөөдөр батламжийг гардуулна. 

10.00 цагт. 
-Монголын ууган хэвлэлийн нэг "Улаан од" сонин үүсэн байгуулагдсаны 95 жилийн ой Офицеруудын ордонд болно.

10.30 цагт. 
-Нийслэлийн ИТХ-ын Тэргүүлэгчдийн хурал ЗДТГ-ын А танхимд болно. 

11.00 цагт. 
-Үндэсний статистикийн хорооноос Монгол Улсын нийгэм, эдийн засгийн 2019 оны нэгдүгээр сарын мэдээллийг хүргэнэ. Мөн 2018 оны IV улирлын ДНБ-ий мэдээллийг хүргэх юм. 

-MN-Мэдээллийн төвд “Газрын тосны хөгжлийн шийдэл” ТББ-аас “Газрын тосны салбарт монголчуудын оролцоог нэмэгдүүлэх, тус салбарын өнөөгийн нөхцөл байдал” сэдвээр хэвлэлийн бага хурал зарлалаа.

11.30 цагт. 
-Ерөнхий сайд У.Хүрэлсүх өнөөдөр 11.30 цагт Эмээлтэд байрлах мах, ясны уураг, малын гаралтай тос бэлтгэх Протэйн үйлдвэрийн нээлтэд оролцоно. 

13.00 цагт. 


15.30 цагт. 
-Эрүүл мэндийн салбарын парк шинэчлэлийн хүрээнд Сүхбаатарын талбайд улсын төсвийн хөрөнгө оруулалтаар 21 аймгийн эрүүл мэндийн газарт түргэн тусламжийн автомашиныг Эрүүл мэндийн яамнаас гардуулж өгнө.