С.Эрдэнэ: Нам дотор талцсан зүйл байхгүй

АН-ын дарга С.Эрдэнэ, тус намын Хэрэг эрхлэх газрын дарга А.Цэрэнбат нар цаг үеийн асуудлаар мэдээлэл хийж байна. АН-ын ҮБХ нэгдүгээр сарын 31-нд хуралдаж дараах шийдвэрийг гаргажээ.

АН-ын дарга С.Эрдэнэ Х Их хурлыг тавдугаар сарын 02 өдөр хуралдуулах тушаал гаргажээ. 

• Даргын сунгаа Цагаан сарын дараа зарлагдана. Дараа нь Ерөнхийлөгчийн сонгуульд нэр дэвшигчийн сунгааг зохион байгуулна. Энэ жил нийт гишүүдийн татварыг тэглэсэн. Ингэснээр шинэ даргыг сонгох сунгаа болон Ерөнхийлөгчид нэр дэвшигчийг тодруулах сунгаанд бүх гишүүд саналын эрхтэй оролцоно.
• ҮБХ-ын гишүүдээс авдаг татварын хэмжээг 50 хувь хөнгөлж, нэгдүгээр сарын 25-наар тасалбар болгосон байна. ҮБХ-нд 394 хүн байснаас татвараа төлсөн 219 гишүүн байна. Үндсэн дүрмийн хороо хуралдаж  ҮБХ-ны 175 гишүүний бүрэн эрх дуусгавар болсонд тооцжээ. Нэр дэвших эрхийг нэг жилээр хассан байна.  

Мэдээлэл хийсний дараа С.Эрдэнэ сэтгүүлчдийн асуултад, хариулт өглөө. 

-Одоогийн Ерөнхийлөгч дахин нэр дэвших эрхтэй юу?

-Намын дүрмээр Ерөнхийлөгч нэр дэвших эрхтэй, үгүйг зохицуулсан зохицуулалт байхгүй. Үндсэн хуулийн 32-т зааснаар МУ-ын 50 нас хүрсэн иргэн нэг удаа зургаан жилээр сонгогдоно. Үүн дээр нилээд маргаантай байгаа. Энэ маргаан эцсийн дүндээ ҮХЦ дээр шийдвэр гарах байх гэж харж байгаа. Нэг хэсэг  нь болно гээд, нөгөө хэсэг нь болно гэсэн маргаантай байгаа. Яг энэ маргааныг өнөөдөр эцэслэн дүгнэж хэлэх боломжгүй байна. Хууль ёсны шийд гарсны дараа байр сууриа илэрхийлэх болно. 

ШУУД ҮЗЭХ: