ВИДЕО: Дуучин Т.Дэлгэрмөрөн хар тамхины асуудлаараа тайлбар хийлээ

Хэдхэн хоногийн өмнө дуучин Т.Дэлгэрмөрөн гэр бүлийнхээ хэрүүлийг олон нийтийн сүлжээнд лайв хийж цацсан. 

Тэрбээр "Оройн мэнд монгол ахан дүүс минь. Анандыг хүний төрсөн өдөр дээр байна гэхээр нь ахиад согтууруулах ундаагаа уугаад эхэлчихсэн юм болов уу гэж бодоод гэрт нь ирлээ” гэхэд Ананд буюу Солонгон ааш "Чамайг ямар хүн гэдгийг батлах гэрч байна. Миний асрагчийг чи яаж дээрэлхэж, хөөж явуулах гэж байснаа мартчихсан уу. Ямар ч эцэг хүн уянгын уянгын пост бичээд гэртээ алцайгаад хэвтдэггүй юм шүү. Чи бол арчаагүй хүн” гэсэн юм.

Гэр бүлийн хүчирхийллийн хэргээр дуучин Т.Дэлгэрмөрөнг цагдаагийн байгууллагаас шалгаж эхэлсэн. Учир нь түүний эхнэр Х.Ананда хоёрдугаар сарын 28-ны өдөр 102 дугаарын утсанд дуудлага өгснөөр хэргийг шалгаж эхэлсэн байдаг. Шууд лайвны үеэр олон нийтэд Х.Ананда нь Т.Дэлгэрмөрөнг хар тамхи хэрэглэдэг талаар ярьсан юм.

Тэгвэл уг мэдээллийн дагуу өчигдөр /03.01/ цагдаагийн байгууллага Т.Дэлгэрмөрөнгөөс хар тамхины шинжилгээ авсан байна. Гэтэл түүний шээсний шинжилгээгээр түүнээс хар тамхины бодис илэрсэн гэх мэдээлэл цахим орчинд тархлаа.

Үүний талаар, Т.Дэлгэрмөрөн өөрийн цахим хуудаснаа дахин мэдэгдэл хийлээ.

Тэрбээр  "Анандаа миний талийгаач эхнэрийн алтыг авдраас хулгайлсан. Надтай эргээд нийлэхэд нь би хэвлийд нь байгаа үрээ бодохдоо би түүнийг өршөөсөн. Эргээд би тэр алтаа асуусан, хайсан. Ломбардад тавьчихсан юм байхдаа гэж би дотроо бодсон. Үгүй. Гэтэл тэр аль хэдийн хайлуулаад зарчихсан байсан. Өшөө миний гэрээс зөндөө их зүйл хулгайлсан. Охиндоо хадгалсан байсан мөнгийг минь намайг унтуулчхаад , Зөөсийг унтчихсан байх хойгуур шөнө босоод миний хадгалдаг газруудаас бүх мөнгийг нь авчихсан байсан. Шөнийн цагаар нялх нойтон хүүхэдтэй, гэртээ хоёрын хоёр залуутай. Болохгүй биз дээ. Би эр хүн биз дээ, би хүний нөхөр,хүүхдүүдийнхээ аав биз дээ. Хэн ингэж тэвчиж явах юм бэ. Хар тамхи татаж, хэрэглээд мансуураад явж байгаа, цуснаас нь илэрсэн хүн ингээд эрх чөлөөтэй явж байдаг юм уу" гэлээ.