ҮАБЗ-ийн НБД Ж.Энхбаяр Сэлэнгэ аймагт нэр дэвшихээр ажлаа хүлээлгэж өгчээ

Үндэсний аюулгүй байдлын зөвлөлийн Нарийн бичгийн дарга Ж.Энхбаяр УИХ-ын сонгуульд нэр дэвших болсон тул ажлаа өгөхөөр болжээ. Түүний хувьд Сэлэнгэ, Дархан, Төв аймгийн бүсэд нэр дэвших сонирхолтой байгаа гэсэн мэдээлэл гараад буй. 

ҮАБЗ-ийн НБД-ын албан тушаал нь төрийн албан хаагч. Тийм учраас нэр дэвших сонирхолтой хүмүүс энэ ондоо багтан ажлаа хүлээлгэж өгөх хуультай юм. Тэгвэл тэрээр өнөөдөр ажлаас чөлөөлөгдөх хүсэлтээ албан ёсоор өгөх аж.

Жадамба овогтой Энхбаяр нь: 

1973 онд Улаанбаатар хотод төрсөн. 

1990 онд Нийслэлийн 10 жилийн 1 дүгээр дунд сургууль, 

1991 онд Цэргийн нэгдсэн дээд сургууль, 

1999 онд Монгол Улсын их сургуулийг Эрх зүйч мэргэжлээр 

2005 онд Нидерландын Хаант Улсын Маастрихтын их сургуульд Бизнесийн удирдлагын магистрын зэрэг хамгаалсан

• 1992-2000 онд “Нэхий” ХХК, “Сүлжмэл” ХХК-ийн Төлөөлөн удирдах зөвлөлийн дарга, “Газар” ХХК-ийн захирал,

• 2000-2002 онд Нефть, онцгой албан татварын гаалийн газрын дарга,

• 2002-2004 онд Улаанбаатар хотын гаалийн газрын Хяналт шалгалтын хэлтсийн дарга, дэд дарга,

• 2004-2006 онд Гаалийн ерөнхий газарт зөвлөх,

• 2006-2008 онд Улсын Мэргэжлийн хяналтын газрын дэд дарга, Тамгын газрын дарга,

• 2008-2012 онд Монгол Улсын Их Хурлын гишүүн,

• 2012 онд Монгол Улсын Засгийн газрын гишүүн, Батлан хамгаалахын сайд,

• 2012-2016 онд Монгол Улсын Их Хурлын гишүүн,

• 2014-2016 онд Монгол Улсын Их Хурлын Аюулгүй байдал, гадаад бодлогын байнгын хорооны дарга,

• 2016-2017 онд Монгол Улсын Их Хурлын Аюулгүй байдал, гадаад бодлогын байнгын хорооны дарга,

• 2016-2020 онд Монгол Улсын Их Хурлын гишүүн,

• 2020-2021 онд Монгол Улсын Ерөнхий сайдын Ажлын албаны дарга, ахлах зөвлөхөөр тус тус ажилласан.