"Рио Тинто" "Оюу толгой" ХХК-иас татварын акт болох 1.5 их наяд төгрөгийг төрийн дансанд шилжүүлжээ

Оюутолгой төслийн санхүүжилтийн зээлийн хүү, менежментийн төлбөрийг бууруулах талаар тодорхой саналтай ирсэн “Рио Тинто” компанийн Зэсийн группийн захирал Кейти Жаксон тэргүүтэй албаны хүмүүсийн саналыг Засгийн газар, “Эрдэнэс Монгол” ХХК-ийн удирдлагууд хүлээж авалгүй буцаасан билээ. Ердөө уржигдархан энэ явдал болсон. 

Буцаахдаа Ерөнхий сайд “Эзэн нь юмуу мэдэж, эрэг нь усаа хашдаг”, “Шударга ёсыг шаардаж байна" гэх хатуу үгсийг  хэлж, тодорхой шаардлагуудыг тавьсан байдаг.  

Тодруулбал, 

1. “Оюу Толгой” төслөөс Монгол Улсад ногдох өгөөжийг 60-аас дээш хувьд хүргэх,

2. Хувь нийлүүлэгчийн зээлийн хүүг эрс бууруулах,

3. Менежментийн төлбөрийг бууруулах, улмаар 2030 оноос “Оюу Толгой” ХХК менежментийн хувьд бие даан ажиллах,

4. Монгол Улсад 2026 онд багтаан ногдол ашиг хуваарилах,

5. “Онтрэ” компанийн тусгай зөвшөөрөлтэй холбоотой асуудлыг Монгол Улсын Үндсэн хуулийн 6.2-т заасны дагуу байгалийн баялгийн өгөөжийн дийлэнх ард түмэнд ногдох зарчимд нийцүүлэх зэрэг тодорхой шаардлагуудыг “Рио Тинто”-д тавьсан юм. 

Тэгвэл "Рио Тинто" групп Монгол Улсын дансанд 1.5 их наяд төгрөг шижүүлжээ. Сангийн яамнаас энэ талаар тодруулахад "Үнэн" гэсэн хариулт өгөв. Бид энэ талаар эрэн мэдээлэх болно.