Туулын хурдны замыг захиалгаар эсэргүүцэж байж болзошгүй антропологич Г.Мөнх-Эрдэнэ гэж хэн бэ

-УИХ-ын гишүүн Д.Бум-Очир шавьдаа Туулын хурдын замыг эсэргүүцэхийг даалгасан уу-

Туулын хурдны замын төслийг анх 2013 онд Улаанбаатар хотыг 2030 он хүртэл хөгжүүлэх хөгжлийн ерөнхий төлөвлөгөөнд тусгаж байжээ. Үүнээс хойш 2020.05.13-ны өдрийн “Алсын хараа-2050” бодлого, 2021.12.30-ны өдрийн УИХ-ын 2021 оны 106 дугаар тогтоол зэрэгт Туулын хурдны замыг барих талаар тусгасан байдаг. Энэ цаг хугацаанд Туулын хурдын зам нийслэлчүүдийн мөрөөдөл, улс төрийн нам, улстөрчдийн хувьд “Барина” гэж хэлэхэд л нэр хүнд нь өсдөг нийгмийн захиалга болсон төсөл байв. Энэ хооронд Туулын хурдын замыг барих хэрэггүй гэж хэн ч дуугарч байсангүй.

 Өнгөрсөн долоо хоног хүртэл тийм л байв. Гэтэл гэнэт бүтээн байгуулалт эхэлсний дараа улс төрийн хамааралтай олон хүн “Туул гол минь, хатлаа, ширгэлээ” гэлцэн гарч ирсэн нь цаанаа улс төрийн зорилготой болохыг хангалттай харуулж байгаа юм. Одоо жагсаж тэмцээд байгаа олон танигдсан хүмүүс Туул голтой холбоотой, түүнчлэн Туулын хурдны замтай холбоотой чухал шийдвэрүүд гарч байх үед бүгд таг дуугүй байцгаасан. Гэтэл гэнэт хэл орж, олон нийтийн сүлжээнд идэвхитэй олон хүн Туул судлаач болцгоолоо.    

Тэдний нэг нь МУИС-ийн антропологийн тэнхимийн багш Г.Мөнх-Эрдэнэ. Эрүүл шүүмжлэлийг хэн ч өрнүүлж, шахаж шаардах эрхтэй нийгэмд амьдарч байгаа нь бидний нийгмийн үнэ цэн боловч олны анхаарлыг татаж байгаа сэдвээр бусдад таалагдах зүйл яриад улс төрийн дараагийн нүүдлээ зурдаг ирээдүйн кандидатуудтай бид олон таарсан.

Түүний нэг нь антропологич Г.Мөнх-Эрдэнэ гэдгийг учир мэдэх улс гадарлана. Хүний нийгмийн соёл судалдаг мэргэжилтэй тэрээр өнөөдөр инженерийн бүтээн байгуулалтыг амандаа багтсан үгээр шүүмжлэх нь үнэнд хэр нийцэх вэ. Тиймээс олон нийт бид ямар цаг үед хэний үгэнд итгэх вэ гэдгээ шүүж чадахуйц хэрсүү, асуудалдаа таарсан мэдлэгтэй байх зайлшгүй шаардлагатай байна.

Эх сурвалжийн мэдээлснээр МУИС-ийн Антропологийн багш Г.Мөнх-Эрдэнэ нь УИХ-ын гишүүн Д.Бум-Очирын шавь нь гэх. УИХ-ын гишүүн Д.Бум-Очир гишүүн болохоосоо өмнө МУИС-д антропологийн чиглэлээр багшилж байсан. Антропологийн багш Г.Мөнх-Эрдэнэ УИХ-ын гишүүн Д.Бум-Очирын захиалгаар талбай дээр Туулын хурдны замыг эсэргүүцэн зогсож байна гэж хардах эрх бидэнд бий.