“Бодь” группын гүйцэтгэх захирал асан А.Амундра АТГ-т хандаж, гэрчийн хамгаалалтад орох хүсэлт гаргажээ. Тэрбээр хүсэлтээ бичгээр гаргаснаа өнөөдөр инстаграм хуудастаа нийтэлсэн байна.
Тэрбээр хүсэлтдээ "Монгол Улсын иргэн А.Амундра миний бие нэр бүхий улстөрч, бизнесмэнтэй холбоотой авлигын хэргийг илчилж, АТГ, прокурорын байгууллагатай хамтран ажиллах хүсэлтээ байгаагаа үүгээр илэрхийлж байна. Гэвч одоогийн нөхцөл байдлын хувьд Монгол Улсад очиж, АТГ-т мэдүүлэг өгөхөд миний болон миний гэр бүлийн эрүүл мэнд, амь насанд заналхийлэх, эрсдэл учрах магадлалтай гэж үзэж байгаа тул гэрчийн хамгаалалт намайг болон гэр бүлийг минь авахыг хүсч байна" гэжээ.
АТГ “Бодь интернэйшнл” компани Тавантолгой-Гашуунсухайт чиглэлийн төмөр замын бүтээн байгуулалтыг гүйцэтгэхдээ өртөг өсгөж, өсгөсөн мөнгөө нэр бүхий улстөрчдөд гаргаж өгсөн байж болзошгүй хэргийг шалгаж эхэлсэн. Ойролцоогоор 110 орчим сая ам.долларын асуудал яригдаж байгаа бөгөөд энэ их мөнгө МАН-ын улстөрчид рүү гарсан байх магадлалтай. А.Амундра гэрчийн хамгаалалтад орсны үндсэн дээр эдгээр авлигач улстөрчдийг илчлэх хүсэлтээ ийнхүү АТГ-т гаргажээ.
АТГ-ын хувьд энэ хэргийг албан ёсоор шалгаж байгаа бөгөөд Ерөнхий сайд асан Л.Оюун-Эрдэнээс мэдүүлэг авсан нь хэргийг идэвхитэй шалгаж байна гэсэн ойлголтыг олон нийтэд төрүүлээд байгаа юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
178.174.229.45
ZA ASHGUI DEE. ARDIIN NAMAA. DEER N HEREE BAATARAA OYUERDENEE. BUGDEEREE TAM RUUGAA YAVAH N ASHGUI
Хариулах122.201.31.252
Зөв, могой Энхбаяр, хуулийн дэд сайд Мөнхэрдэнэ нар улам л хэцүүдлээ дээ. Засгаа татаад унагаж ч мэдэх юм
Хариулах