Египет Австралийг, Аргентин Кабо Вердег хожиж,1/8-д хоорондоо учраа таарлаа

Хөлбөмбөгийн ДАШТ-ий шөвгийн 32-т учраа таарсан Египет-Австрали, Аргентин-Кабо Верде багуудын тоглолт өнгөрсөн шөнө боллоо.

Фараонууд хождоггүй, хожигддоггүй Австралид нутаг буцах боломж өглөө

Мо Салах тэргүүтэй Египетийн шигшээ баг Австралитай 1:1-ээр тэнцэж, торгуулийн цохилтоор /4:2/ буулгаж авав. Түүхэндээ анх удаа хэсгийн шатыг хожигдолгүй гэтэлсэн фараонууд ногоон тивийнхнийг тоглолтоор илүүрхсэн тул цуврал 11 м-ийн цохилтоор хожсон нь шударга явдал болсон.

ДАШТ. 1/16 шигшээ

Австрали-Египет 1:1 /11 м т/ц 2-4/

Гоол: Ашур 13 /Хафез 0:1/, Хани 55 /автогол, 1:1/

Кабо Вердегийн "гайхамшиг", Л.Мессигийн дээд амжилтууд үргэлжлэв

Австрали, Египетийн тоглолтын дараа эхэлсэн Аргентин-Кабо Вердегийн багийн тоглолт жинхэнэ дуулиан дэгдээх дөхлөө. Тоглолтын 29-дэхь минутад Л.Месси гоолдож, улмаар бүх зүйл номоороо болох нь гэтэл Кабо Верде тэнцүүлж, улмаар цаг сунгасан. Сунгасан цагийн эхэнд Мартинес гоол оруулж, Аргентин дахин тэргүүлсэн ч Кабрал, Самедугийн хослол дахин тэргүүлсэн юм.

Хэдий Кабо Верде сүүлд өөрийн хаалганд гоол оруулж хожигдсон ч энэ тоглолт тэдний байгуулсан гавьяа, үнэ цэнийг бууруулахгүй юм. Африкийн жижиг арлын улс Кабо Верде анхныхаа ДАШТ-д оролцож, дөрвөн удаа тоглохдоо үндсэн цагт нэг ч удаа хожигдосонгүй.

Дээр нь, тоглолтын үндсэн цагийн 89 дэхь минутад Кабо Вердегийн торгуулийн талбай дотор Аргентины багийн Роберт Лопеш бөмбөгт гар хүрсэн. Шүүгч хэрвээ пенальти заасан бол энэ ДАШТ-ий хамгийн том сенсаацийг дэгдээх байв.  

Кабо Вердегийн үндсэн цагт хожигддоггүй цувралаас гадна Аргентин, Л.Мессигийн дээд амжилтууд энэ тоглолтод мөн үргэлжилснийг товчилбол:

● Аргентин зургаан ДАШТ дараалан дор хаяж шөвгийн 16-д үлджээ.

● Мөн ДАШТ-д дараалан хожигдоогүй тоглолтын тоо нь 10 болж ахив. Лео болон түүний нөхөд өнгөрсөн ДАШТ-ий нээлтийн тоглолтод Саудын Арабын багт хожигдсоноос хойш хожигдол амсаагүй явна.

● Хамгийн сонирхолтой үзүүлэлт. 21 дүгээр сүүн гарснаас хойш Аргентины шигшээ дэлхийн аварга болчихоод дараагийн ДАШТ-ий хасагдах шатанд хожсон ердөө гурав дахь баг болжээ. 2002 оны дэлхийн аварга Бразил, 2018 оны Франц л дараагийн ДАШТ-ийнхээ шөвгийн наймд үлдэж чадсан аж. Бусад багууд болох Испани, Итали, Германы шигшээ хэсгээсээ ч гарч чадаагүй аж.

● Лионель Скалони Аргентины шигшээг удирдан 100 дахь тоглолтдоо оролцжээ. Түүний үед Аргентин 73 хожиж, 18 хожигдож, ердөө есөн удаа хожигдсон байна.

Аргентин дараагийн шатанд Египеттэй тоглоно.

ДАШТ. 1/16 шигшээ

Аргентин Кабо Верде 3:2

Гоол: Месси 29 /Мартинес, 1:0/, Дуарте 59 /Мендеш 1:1/, Мартинес 92 /МакАллистер 2:1/, Кабрал 103 /Самеду 2:2/, Диней /автогол, 3:2 /