УИХ-ын дэд дарга Ц.Нямдоржийн хүү Н.Анхбаяр аавыгаа сайдын албан тушаал хашиж байх үед “Эрдэнэт” үйлдвэрт бараа үйлчилгээ нийлүүлэх нэрээр их хэмжээний шахаа хийсэн гэх мэдээллийг УИХ-ын өгсөн С.Эрдэнэ хийгээд байгаа. Түүнчлэн Эрдэнэт үйлдвэрийн 49 хувийг хувийн хэвшилд зарсныг Монголын төр эргүүлэн авах нь гэх мэдэээлэл ч байгаа юм.
Эрдэнэт үйлдвэрийг 100 хувь төрийн мэдэлд авах нь зөв эсэх талаар УИХ-ын гишүүн, Нийгмийн хамгаалал, хөдөлмөрийн сайд Н.Номтойбаяр байр сууриа илэрхийллээ.
Тэрбээр “Ер нь хувийн хэвшилд гар дүрэх тусам бидний хүсээд байдаг шударга нийгэм холдоно гэсэн үг. Оюутан байхдаа нэгэн УИХ-ын гишүүнээс “Та нар наад Эрдэнэтээ хэдэн жил нухах гэсэн юм. Больчихвол яасан юм” гэхэд “Харин тиймээ. Оюутолгой хурдан ашиглалтад орох хэрэгтэй байна” гэж хариулж байсан. Өнөөдрийн хамгийн том сенсаци Нямдоржийн Анхбаяр Эрдэнэтэд шахаа хийсэн гэдэг мэдээлэл. Үнэн ш дээ. Өөрөө ч хүлээн зөвшөөрч байна лээ. Хэдэн хүн Эрдэнэтийг тойглож амьдрах гэсэн юм бэ. Төр эзэнгүй өмчид эзэн суух гээд байна Үүний юуг нь гайхаад хоёр хуваагдаад байгаа юм. Тэр 51 хувиа ч гэсэн хувийн хэвшилд зар л даа. Би бас Оюутолгойн 34 хувийг зарчихвал яасан юм бэ гэж хэлж байсан. Хэрэв би байсан бол зарна, татвараа авна, роялтигаа авна. Өнөөдөр ганц нэг нь ингэж азаартаад байгаа болохоос азаартаагүй эрх мэдэлтнүүд зөндөө байгаа. Би бол төрийн өмчийн эсрэг байдаг хүн. Энэ бол миний итгэл үнэмшил” гэсэн юм.
С.ОТГОН
Сэтгэгдэл бичигдээгүй байна