Зурагчин юуны өмнө аль болох шинэлэг, сонирхолтой зураг авахыг бодож байгаа нь мэдээж байгаа бөгөөд түүнд энэ хүслийг нь буюу сайн зураг авахад нь та туслах хэрэгтэй.
- Сайн зурагчин хэзээ ч хүмүүсийн хоёр чих нь эгц харагдахаар зураг дардаггүй. Харин бага зэрэг хажуу талаас нь авахыг хичээдэг. Таны зурагчин үүнийг мэдэхгүй бол түүнд нэг сануулахад илүүдэхгүй.
- Толгойгоо бага зэрэг эргүүлэн нөг мөрөө бага зэрэг урагш түрсэн үеийн зураг сайхан гарах нь элбэг.
- Гэрэлд гялбан онийхооргүй аятайхан байрлал олон зогсох нь танд ашигтай. Мод, байшингийн сүүдэрт орох, эсвэл хурц гэрлээс өөр тийш харж зогсож болно.
- Нүдээ сайхан гаргахын тулд дээшихнээ харсан нь оновчтой байдаг бөгөөд боломжтой бол өөрийн хувцаслалтай ойролцоо газар олж зогс.
- Олуулаа зургаа авахуулах үед зургийг захаас нь өөлж болзошгүйг санаж гол хавьд зогс. Намхан хүмүүс өндөр хүмүүсээс бага зэрэг зайтай зогсох, эсвэл ар талд нь арай өндөр харагдах газарт зогсох хэрэгтэй.
- Нүдийг тань далдалсан нарны шилээ ав. Бууралттай буюу гэрэлд өнгөө өөрчилдөг шил зүүхээс зайлсхий.
- Эцэст нь хэлэхэд таны зургийг арай бага өнцгөөс авбал илүү аятайхан гарна гэдэгт итгэ.
С.Тэргэл
Сэтгэгдэл бичигдээгүй байна