Хүй мандлын дэвжээнд өчигдөр /2023.07.10/ 75 шүдлэн гарааны зурхайгаас хөдөлж, тоосоо өргөсөн ч түрүү, аман хүзүүн асуудал маргаан дагуулаад буй. Тодруулбал түрүүлж давхин ирсэн хоёр шүдлэнг зурхайд орж ирэхээс өмнө морь бариач урдуур нь хашиж урд байсан хар шүдлэн үрээгийн өмнүүр орж, хаасан юм.
Түрүүнд хурдалсан гэж зарласан шарга үрээ нь Хүнс хөдөө аж ахуйн сайд асан З.Мэндсайханых юм. Харин морь бариачид хашигдсан хар шүдлэн нь аман хүзүү авсан хэмээн зарлагдсан. Тэгвэл сайд асан З.Мэндсайхан твиттер хуудастаа шүдлэнгийн аман хүзүүгээ авна, түрүүг Луус сумын уяач Э.Улаанхүүд өгнө хэмээлээ.
Тэрбээр цахим хуудастаа “Баяр наадмын мэнд ээ, төрийнхөө наадамд 13 дахь жилдээ хүлгийн тоосоо өргөж байна. Морь бариач зурхайд орсны дараа очих ёстой, Төрийнхөө наадамд хүлэг морьдоо уралдуулах нь сайхан. Унаган хүлгийг маань унаж хурдлуулсан хүүхэд, уяа сойлго тааруулсан уяачдаа баярлалаа. Хурдан морьны салбар хороон дарга Ганхуягт бичлэг дахин нягталж өгнө үү гээд хүсэлтээ өгчихлөө. Технологи хөгжсөн өнөө үед морь бариач байх ёстой юу. Дүрэм журамаа эргэж хармаар л юм бн даа. Дундговь аймгийн Луус сумын уяач Э.Улаанхүүдээ олон наадмын түрүү аваарай гэж ерөөе. Би шүдлэнгийн аман хүзүүгээ авна аа, түрүү энэ хар үрээ, комисс шийдвэрээ эргэж харах байхаа. Дундговь аймгийн Луус сумын уяач Э.Улаанхүүдээ төрийн наадмын олон түрүү аваарай гэж ерөөе, хүлэг нь хурдан байг ээ" гэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна