Стратегийн ач холбогдолтой 30 гаруй компанийг 100% төрд үлдээнэ

Засгийн газрын өнөөдрийн хуралдаанаар төрийн өмчит хувьцаат компаниудыг бүтцийн хувьд өөрчилж гурван хэлбэрээр зохицуулахаар болсон талаараа мэдээлэл өглөө. Эхний ээлжид ямар компаниудыг төрийн өмчид үлдээх талаар Сангийн сайд Б.Жавхлан мэдээллээ.

Тэрээр "Төрийн өмчит үйлдвэрийн газар, төрийн оролцоотой аж ахуй нэгжүүдийг бүтцийн хувьд гурван чиглэлээр өөрчилнө.

1. Хувьцаат компани болгох, бирж рүү гаргаж олон нийтийн хяналтад оруулан үр өгөөжийг нь сайжруулах,
2. Стратегийн хувьд 100 хувь төрийн өмчид байх шаардлагатай компаниуд
3. Цаашдаа төрийн өмчид байх шаардлагагүй, үр өгөөжгүй компанийг татан буулгах

Эхний ээлжид төрийн өмчид байх шаардлагатай компаниудыг зарлаж, цаашид анхааран ажиллахаар болсон. Өнөөдрийн байдлаар 30 гаруй компани бий. Үүнд:

1. Эрдэнэт үйлдвэр
2. Монгол-Росцветмет
3. Эрдэнэс Оюутолгой
4. Улаанбаатар дулааны сүлжээ
5. Цахилгаан дамжуулах үндэсний сүлжээ
6. Дархан дулааны сүлжээ
7. Диспетчерийн үндэсний төв
8. Монгол хүйт байгаль хамгаалах төв
9. Монголын газрын тос боловсруулах үйлдвэр
10. Хөшигийн хөндийн нисэх онгоцны буудал
11. ДЦС - 2
12. ДЦС - 3
13. ДЦС - 4
14. Дарханы ДЦС
15. Эрдэнэтийн ДЦС
16. Даланзадгадын ДЦС
17. Багануурын ДЦС
18. Налайхын ДЦС
19. Хөвсгөлийн ДЦС
20. Ховдын ДЦС
21. Дулаан шарын гол
22. Улаангомын ДЦС
23. Амгалан ДЦС
24. Эгийн голын УСЦ
25. Тавантолгой түлш
26. Авто тээврийн үндэсний төв
27. Дипломат байгууллагын үйлчилгээг эрхлэх газар
28. Барилгын хөгжлийн төв
29. Монголын төмөр зам
30. УБТЗ
31. Төрийн орон сууц корпорац
32. Хөгжлийн банк
33. Эрчим хүчний дамжуулах дэд станц эзэмшиж буй төрийн болон төрийн өмчийн оролцоот хуулийн этгээдийн зөвхөн тухайн үйл ажиллагааг эрхлэх хуулийн этгээдүүд
34. Орон нутгийн АЗЗА компаниуд
35. Дулааны болон цахилгааны түгээх компаниуд багтаж байна" гэв.