50 кг байгалийн өнгөт чулуу зөвшөөрөлгүй тээвэрлэсэн зөрчил илэрчээ

2020 оны 08 сарын 03

Байгалийн өнгөт чулууг зөвшөөрөлгүй тээвэрлэсэн зөрчил илэрчээ. Тодруулбал, Өлзийт авто тээврийн шалган нэвтрүүлэх товчоогоор өнгөрсөн сарын 28-ны өдөр  3864 ДУА улсын дугаартай тээврийн хэрэгслээр иргэн O нь зохих зөвшөөрлийн бичиг баримтгүй 50 кг говийн өнгөт чулуу тээвэрлэн явж байсан зөрчил гарсан байна. Одоогоор зөрчил шалган шийдвэрлэх ажиллагаа явуулж байгаа аж. 

Ашигт малтмалын тухай хуульд байгалийн өнгөт болон үнэт чулууг түүх, олборлох үйл ажиллагааг ердийн ашигт малтмалын адил тусгай зөвшөөрлийн үндсэн дээр эрхэлнэ гэж заасан байдаг. Харин байгалийн өнгөт чулуу зөвшөөрөлгүй олборлож, худалдсан бол олсон орлогыг хурааж, хүнийг нэг сая төгрөг, хуулийн этгээдийг 10 сая төгрөгөөр торгох хуулийн заалттай.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.