Ж.Батбаясгалан: Сургуулийг 2 ээлжид шилжүүлэх зорилтоо биелүүлсэн

2020 оны 09 сарын 11

Нийслэлийн Боловсролын салбарт 2016-2019 онд  хийгдсэн  хөрөнгө оруулалтын  талаарх нэгдсэн  мэдээллийг  өнөөдөр  /2020.09.11/ сонслоо. Тодруулбал 2016-2029 онд буюу гурван жилийн хугацаанд Нийслэлийн боловсролын салбарт  хэрэгжсэн 2231 төслийн мэдээллийг  эмхэтгэн мэдээлсэн юм. 

Нийслэлийн засаг дарга бөгөөд Улаанбаатар хотын захирагчийн үүрэг гүйцэтгэгч Ж.Батбаясгалан "2016-2019 оны хооронд 33 сургууль, 77 цэцэрлэг ашиглалтад орсон.  Үргэлжлүүлэн  60 цэцэрлэг, 35 сургуулийг энэ онд багтаан ашиглалтад оруулахаар ажиллаж байна.  Ковид19-ийн нөхцөл байдлаас хамаарч сургууль, цэцэрлэгүүд  өөр журмаар ажиллаж байгаа ч бид сургуулийг 2 ээлжинд шилжүүлэх зорилтдоо хүрсэн.

Түүнээс гадна 112 сургууль, 162 цэцэрлэгт засвар тохижилт хийсэн. Энэхүү хөрөнгө оруулалтын үр дүнд СӨБ-д хамрагдалт 80 хувьтай байсан. Мөн энэхүү хөрөнгө оруулалтын ажилд 636 ААН-ийн 7600 гаруй ажиллах хүч ажиллаж, шинээр 2800 ажлын байр нэмэгдсэн" гэлээ. 

“2016-2019 онд Нийслэлийн Боловсролын салбарын хөрөнгө оруулалт” эмхэтгэлийг хэвлэн гаргахад Сангийн яам, БШУЯ, БХБЯ, НЗДТГ болон  Германы Олон улсын хамтын ажиллагааны GIZ байгууллага, Швейцарын хөгжлийн агентлагтай хамтран ажиллажээ. Боловсролын салбарт хэрэгжсэн хөрөнгө оруулалтыг нарийвчилсан, хувийн хэвшлээс бусад бүх хөрөнгө оруулалтыг ийнхүү  иргэдэд нээлттэй болгож байгаа аж. 

Т.Хэрлэн 

 

 

 

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 12
202.55.188.90
Иргэн

Нэг анги 50-55хүүхэдтэй байна энэ чинь тэгээд ариун явдал уж