ХХААХҮЯ улсын аварга малчин, фермер, саальчинд ХУВИН олгох 50 саяын тендер зарлажээ

Жил бүр цагаан сарын өмнө Улсын аварга малчин, аварга саальчин, аварга фермер, тариаланчдыг шалгаруулдаг. Энэ ажлыг ХХААХҮЯ-наас зохион байгуулдаг бөгөөд энэ жил хувин бэлэглэх тендер зарлажээ. Тендер 50 сая 400 мянган төгрөгийн үнийн дүнтэй бөгөөд энэ сарын 12-нд зарласан байна. 

Тендерт зааснаар 50 сая 400 төгрөгөөр Улсын аварга малчин, хошой аварга, малчин, фермер, саальчинд нийт 168 ширхэг гуулин бүслүүртэй модон хувин хийлгэх аж. Хуваагаад үзвэл нэг хувин тус бүрийн үнэ 300 мянга болж буй. 

Сануулахад Улсын аварга малчин, улсын хошой аварга малчин, улсын аварга фермер, саальчинд олгох өргөмжлөл, үнэмлэх хийлгэхэд 33.6 сая, 

Улсын аварга тариаланч хамт олох, улсын аварга тариаланчийн шагналд олгох алтадсан тариан түрүү бүхий шармал хээтэй мөнгөн аяганы тендер 60.5 сая,

Тариан түрүү, таван хошуу мал бүхий шармал хээтэй домбо захиалах тендер 33 сая,

Улсын аварга малчин, Улсын хошой аварга малчны дурсгалын цом 183.6 сая,

Улсын аварга малчин, улсын хошой аварга малчин, ферсер, саальчинд олгох мөнгөн аяга 159.6, 

Улсын аварга малчин, улсын хошой аварга малчин, саальчин, фермерт олгох гарын бэлгийн багц 33.6 сая,

Улсын аварга тариаланчийн шагналд олгох цом 50 сая төгрөгийн тендерүүдийг тус тус зарласан байна.