Монгол улсын 23 насны эрэгтэй шигшээ баг БНХАУ-ын Хандан хотноо зохион байгуулагдаж буй “FIBA 3x3 Nations League” тэмцээнд гурван өдөр дараалан түрүүллээ.
Энэхүү тэмцээнд Монгол, Япон, Туркменстан, Казакстан, Хятад, Филиппиний эрэгтэй зургаа, эмэгтэй зургаан баг оролцож байна. Багууд хоёр хэсэгт хуваагдан хэсгээ тэргүүлсэн баг аваргын төлөө тоглож байгаа юм. Манай улсын эрэгтэй шигшээ баг зургаан зогсоолын турш үргэлжлэх уг тэмцээний эхний гурван зогсоолд түрүүлэн 8 хожиж, нэг хожигдсон амжилттай байна.
Тэмцээний “Зогсоол-1”-т Хятадын багийг 20:19, “Зогсоол-2”-т Японы багийг 20:17, “Зогсоол-3”-т мөн Японы багийг 18:17 харьцаагаар хожин аваргалсан юм.
“Зогсоол-4” зургаадугаар сарын 14-ны өдөр болох ба манай эрэгтэй шигшээ баг Филиппин, Японы багуудтай нэг хэсэгт орсон байна.
Б.Төгөлдөр
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна