"Парис 2024" паралимп: Монголын баг түүхэн дээд амжилтаа үзүүлэх үү

"Парис 2024" зуны паралимпын 17 дугаар наадмын багийн дүнг БНХАУ 33 алт, 27 мөнгө, 11 хүрэл, нийт 71 медальтайгаар тэргүүлж байна. Манай улс одоогоор олимпын наадмаас таэквондогийн төрлөөр алт, мөнгө /У.Сүрэнжав, Г.Болор-Эрдэнэ/, хөнгөн атлетикийн төрлөөр мөнгө /Ц.Баттулга/, нийт гурван медаль хүртсэн амжилтаар 29 дүгээр байрт явна.

Паралимпоос гурван медаль хүртсэн нь манай улсын хувьд түүхэн дээд амжилт бөгөөд багийн дүнгээр хамгийн өндөр амжилтдаа хүрэх магадлал ч өндөр байна.   

Монгол улс өмнө нь "Бээжин 2008" паралимпын наадамд МУХБ, МУГТ Д.Баатаржавын алтан медалийн үзүүлэлтээр 52, "Токио 2020" паралимпын наадамд МУХБ, МУГТ Э.Содномпилжээгийн алтан медалийн үзүүлэлтээр 59 дүгээр байрт /Этиоп, Пакистантай ижил үзүүлэлттэй/ орсон нь багийн дүнгээр хамгийн өндөр эрэмбэлэгдсэн тохиолдол нь болсон юм. 

Энэ амжилтаа ахиулах эсэх нь манай бусад тамирчид болон бусад улсууд үлдсэн хугацаанд хэрхэн оролцохоос шалтгаална. Паралимпын наадамд 150-160 улс оролцож, 80 орчим нь медаль хүртдэг жижшиг бий. "Парис 2024" паралимпын наадмын тухайд 169 улсын 4463 тамирчин спортын 22 төрөлд 549 иж бүрдэл медалийн төлөө өрсөлдөж байгаагаас өнөөдрийн байдлаар 60 улс ямар нэг медаль хүртжээ. 

Монголын баг тамирчдын хуваарь

Есдүгээр сарын 3

• 15:00 Пара байт харвааны урьдчилсан шат Д.Сэлэнгээ, Б.Оюун-Эрдэнэ
• 23:00 Пара байт харвааны шөвгийн найм, хагас шигшээд Д.Сэлэнгээ, Б.Оюун-Эрдэнэ

Есдүгээр сарын 4

• 00:57 Пара байт харваа хүрэл медалийн харваа Д.Сэлэнгээ, Б.Оюун-Эрдэнэ
• 01:14 Пара байт харваа, Финалын харваа Д.Сэлэнгээ, Б.Оюун-Эрдэнэ
• 16:00 Пара атлетикийн эрэгтэйчүүдийн 100 метрийн тэргэнцэртэй гүйлт. T53 ангилал. Урьдчилсан шат П.Энхманлай

Есдүгээр сарын 5

• 01:00 Пара атлетикийн эрэгтэйчүүдийн 100 метрийн тэргэнцэртэй гүйлт. T53 ангилал. Медалийн шат П.Энхманлай
• 16:00 Пара жүдогийн эмэгтэйчүүдийн -48 кг. Урьдчилсан шат Т.Сувд-Эрдэнэ
• 22:00 Пара жүдогийн эмэгтэйчүүдийн -48 кг. медалийн барилдаан Т.Сувд-Эрдэнэ

Есдүгээр сарын 6

• 16:00 Пара жүдогийн эмэгтэйчүүдийн -70 кг. Урьдчилсан шат Л.Туруунаа
• 22:00. Пара жүдогийн эмэгтэйчүүдийн -70 кг. Медалийн барилдаан Л.Туруунаа

Есдүгээр сарын 7

• 15:30 Пара усанд сэлэлтийн эмэгтэйчүүдийн 100 метрийн араар сэлэлт. S6 ангилал. Урьдчилсан шат Х.Номуун
• 16:00 Пара жүдогийн эрэгтэйчүүдийн +90 кг. Урьдчилсан шат Д.Ганбат
• 16:00 Пара жүдогийн эрэгтэйчүүдийн -90 кг. Урьдчилсан шат Б.Бөттөгс
• 22:00. Пара жүдогийн эрэгтэйчүүдийн +90 кг, -90 кг. Медалийн барилдаан
• 23:30 Пара усанд сэлэлтийн эмэгтэйчүүдийн 100 метрийн араар сэлэлт. S6 ангилал. Финалын шат Х.Номуун

Есдүгээр сарын 8

• 00:35 Пара Пауэрлифтингийн эрэгтэйчүүдийн -107 кг жинд Э.Содномпилжээ