Озэки Хоошорюү С.Бямбасүрэн энэ сарын 2-ны өдөр “Дэваноуми” дэвжээнд зочилж бэлтгэл хийжээ. Тэрбээр тухайн өдөр Митакэуми, Гонояма, Хирадоуми нартай 16 удаа барилдаж, бүгдэд нь ялсан байна. Ингэхдээ өөрөө нэг ч амралгүй угсруулан барилджээ.
Өчигдөр Сүмогийн холбооны Ёкозүнагийн зөвлөлөөс “Рёогоку Кокугикан” ордонд ёкозүна Тэрүнофүжи, озэки Котозакура, Оносато нарын дөрвөн бөхийн дунд зохион байгуулсан албан ёсны бэлтгэлд ч тэрбээр сайн байж, озэки Котозакуратай ес барилдаж найм ялсан бол Оносатотой долоо барилдахдаа дөрөв давж, гурав унажээ.
Ёкозүна Тэрүнофүжи энэ өдөр гурван озэкиттой долоо барилдахдаа гурав давж, дөрвөн удаа унасан байна. Ёкозүнаг явсны дараа гурван озэки үргэлжлүүлэн бэлтгэл хийсэн аж.
Энэ сарын башёд ёкозүна Тэрүнофүжи зүүн жигүүрийг тэргүүлэх бол зүүний тэргүүн озэкигоор Котозакура, барууны тэргүүн озэкигоор Хоошорюү С.Бямбасүрэн бичигдээд байгаа юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.11.230
Ene sard turuulne shuu, Byambasureen.
Хариулах202.179.2.34
ес
Хариулах