Яг одоо УИХ-ын чуулганы хуралдаанаар Г.Занданшатарыг Монгол Улсын Ерөнхий сайдаар томиох эсэх асуудлыг хэлэлцэж байна. Бид уг асуудалтай холбогдуулан УИХ-ын гишүүн С.Эрдэнэбатаас байр суурийг нь тодрууллаа.
Тэрбээр, "Байнга сайд хийж байсан, сайд л хийхгүй бол болохгүй гээд байгаа хүмүүс байна. Магадгүй зарим нэг талаараа хэсэг бүлэг хүмүүст л эрх мэдэл төвлөрөөд байх вий. Хэт их хайрцаглагдаад байх вий дээ гэдэг дээр санаа зовж байна.
Ард түмний хүсэл эрмэлзэл бол тодорхой хэмжээний залуучуу нийгмийн төлөөллийг Засгийн газарт оруулж ажиллуулахыг хүсэж байгаа. Дандаа мөнгөтэй томчууд нь сайд болоод байж болохгүй шүү дээ. Тиймээс нийгмийн олон төлөөллийг хангах хүмүүс байж байж Засгийн газар илүү амь бөхтэй байна байх гэж бодож байна.
Бүгдийг би чадна гэдэг байдлаар хандаж Засаг болгонд би сайд байх ёстой үгүй бол гишүүн байгаад хэрэггүй гэдэг бодолтой хүмүүс нэг удаа хойш суучих хэрэгтэй" гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна