Өчигдөр /II.15/ “Милан Кортина 2026” олимпын наадмын цанын багийн уралдаанд Норвегийн баг түрүүлж, алтан медаль хүртсэн билээ. Ингэснээр Норвегийн багийн гишүүн Йоханнес Клэбо энэ олимпоос дөрөв дэхь, нийт ес дэх /”Пёнчан 2018” олимпоос гурав, “Бээжин 2022” олимпоос хоёр алтан медаль хүртээд байсан/ алтан медалиа хүртэж, өвлийн олимпын наадмын бүх цаг үеийн хамгийн олон алтан медальтай тамирчин болсон. Тэгвэл ОХУ-ын биатлоны тамирчин, олимпын хошой аварга Дмитрий Васильев Норвегийн цанын баг тамирчдыг луйварчид гэж нэрлэжээ.
“Би Норвегийн тамирчдын талаар өмнө нь ч хэлж байсан. Эмчилгээний чөлөөлөлтийг ашиглаж медаль авсан тамирчид бол бүгд луйварчид. 100 хувь. Жинхэнээсээ өвчтэй хүн медаль хүртэж чадахгүй шүү дээ. Хэзээ ч эрүүл хүмүүсийг ялж чадахгүй, энэ бол ойлгомжтой. Өөрийгөө өвчтэй гэж мэдүүлж, хориотой бодис хэрэглэсэн л бол луйварчин гэсэн үг. Тэд бүх медалийг авахын тулд допинг хэрэглэж байна шүү дээ.
Би Й.Клэбогийн талаар мэдэхгүй. Гэхдээ Оросын цаначид Бээжинд тэднийг ялсан. Оросуудгүйгээр авсан медальд бүтэн үнэ цэнэ байхгүй. Одоо мэдээж бүгд л түүнийг бүх цаг үеийн хамгийн агуу нь гаж хашгирах байх. Гэхдээ улс орнуудыг оролцохыг нь хориглож, хориотой бодисыг өвчнөөр шалтаглаж хэрэглэж байгаа бол олимп зохиох шаардлга байхгүй. Зүгээр бүх медалиудыг норвегичуудад тараагаад өгчих хэрэгтэй” гэж тэрбээр ярьсан байна.
Сүүлийн жилүүдэд цана, биатлоны спортод ноёлж байгаа Норвегийн багийн тамирчид бараг бүгд багтраа өвчтэй, уг өвчнөө эмчлэх нэрээр эм бэлдмэл хэрэглэдэг юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.180.229
Норвегийн цаныхан их сонин дандаа багтраатай (астма) хүмүүс тул ихэнх адтан медальтнууд нь эмчийн зөвшөөрөлтэйгээр хүчилтөрөгчийн хангамж сайжруулдаг дааврын эм уудаг. Манай бөхчүүд астматай гэдэг нь нэн тодорхой тул эрүүл хүнийг дийлэх боломж байна
Хариулах