Хойд Америкийн Үндэсний хоккейн лигийн улирлн ээлжит тоглолтдоо “Вашингтон кэпиталз” баг “Оттава сенаторс”-ыг 4:1-ээр хожжээ. Энэ тоглолтод нийслэлийн багийн ахлагч Александр Овечкин нэг шайб хийснээр ҮХЛ-д оруулсан нийт гоолынхоо тоог 999 болгож, Уэйн Гретцкигийн “мөнхийн гэгдэх дээд амжилтад /1016/ хүрэхэд 18-хан шайб дутуу болов.
“Агуу Александр”-ын хувьд 1000 гоолын босгыг энэ улиралдаа багтаад давах нь ойлгомжтой ч У.Гретцкигийн дээд амжилтыг эвдэхэд дахин нэг улирал тоглох шаардлагатай гэж шинжээчид үзэж байна.
Учир нь, багууд 69 тоглочихоод байгаа бөгөөд үлдсэн 13 тоглолтод 18 гоол оруулах нь хэцүү гэж байгаа юм. Түүний хувьд “Вашингтон кэпиталз” багтайгаа байгуулсан гэрээ нь энэ зун дуусаж байгаа. Тэгэхээр, ирэх улирал түүний хувьд үргэлжлүүлж тоглоё гэвэл өөр багт очих магадлал ч байгаа юм.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна