Арьс хүний хамгийн эмзэг эрхтэн тул та нүүрээ арчихдаа ч зөөлөн алчуураар дарж арчих хэрэгтэй юм. Нүүрэн дээр юм туурах, үрчлээ зэрэг нь таны дотор эрхтэнтэй холбоотой тул та дотор эрхтнээ эмчлүүлснээр энэ бүгдээс бүрэн ангижирч чадах болно. Үрчлээнээс хамгаалах хамгийн энгийн арга бол өглөө бүр хоёр алгаа халуу оргитол үрж, нүүрээ халуун алгаараа илэх явдал гэж эрдэмтэд нотолж байна.
Духан дээрх үрчлээ
Ийм үрчлээ гүнзгий байж болно. Эсвэл бүдэг, бүр өөр хэлбэртэй ч байж болно. Ер нь, энэхүү үрчлээ нь таны гуниг зовлон, гомдол гутрал¬тай холбоотой. Тиймээс таны дотоод сэтгэ¬лийн гуниг зовлон бусдад тодорхой харагдах учиргүй гэдгийг санах нь зүйтэй болов уу. Өглөө бүр гараа¬раа духаа хойш илэх нь духанд үрчлээ суулгахгүй байх хамгийн сайн арга төдийгүй нас ахих цагт үс ч цагаарч унах нь багасдаг гэнэ.
Хөмсөг хоорондох үрчлээ
Энэ үрчлээ агшин зуур тодорвол таны нүдний хараа¬тай холбоотой. Таны хараа муудаад хөмсөг зангидах тусам хараа тань улам мууддаг байна. Мөн аливаа зүйлд уцаарлах, нарны шилгүй явах болон бөөр, шээсний сувгийн үйл ажил-лагаа тань муудахад энэ үрчлээ улам тодордог аж.
Дээд зовхины үрчлээ
Магадгүй та үүнийг анзаардаггүй байх. Зовхин дээр үрчлээ гарах нь таныг хөгшин, маш их ядарч туйлдсан харагдуулдаг. Ер нь, энэхүү үрчлээ нь олон жил шил зүүснээс үүсдэг. Иймээс та аль болох хөнгөн рамтай шил зүүх хэрэгтэй. Мөн зүрхний үйл ажилла¬гаатай холбоотой учир та эмчид үзүүлэх нь зүйтэй.
Доод зовхины үрчлээ
Өөртөө анхаарал тавих цаг болжээ. Энэ үрчлээ нь хэт их ажиллаж ядарснаас үүсдэг. Тиймээс та ажил амралтаа зөв зохицуулж, нойроо бүтэн авах нь чухал. Энэ үрчлээ нь хамгийн амархан арилдаг юм шүү.
Хацар дээрх үрчлээ
Архи тамхи хэтрүүлэн хэрэглэдэг хүнд илүү их тогтдог. Тиймээс та муу зуршлаа юуны өмнө хаях нь чухал. Мөн зүрх судасны үйл ажиллагаа муудсантай холбоотой.
Хүзүүний үрчлээ
Нүүрээ арчлаад зөнд нь орхисноос, дэр дэрлэж унтдаггүй зэргээс ихэвчлэн үүсдэг. Тиймээс нүүрэндээ тавьж байгаа анхаарлаа хүзүүндээ нэг тавиад үзээ¬рэй. Мөн таны биеэ авч яваа байдал алхаа, гишгээ, хараа зэргээс шалтгаална. Хараа дээгүүр, нуруу цэх явах нь таны гоо сайханд чухал нөлөө үзүүлнэ.
А.Хатангоо
Сэтгэгдэл бичигдээгүй байна