Өнөөдөр болох үйл явдлууд

09:00 цагт Онцгой байдлын албаны хэмжээнд тавьсан зорилт, зорилгынхоо биелэлт, өнгөрсөн онд хийж хэрэгжүүлсэн ажлаа дүгнэж цэгнэх, шинэ ондоо хэрэгжүүлэх үйл ажиллагааныхаа зорилтыг тодорхойлохоор “Онцгой байдлын албаны удирдах ажилтны стратегийн цугларалт”-ыг Нийслэлийн иргэдийг гамшгаас хамгаалах сургалт, аргазүйн төвд болно.

10:00 цагт Ардчилсан намын даргад нэр дэвшигч Д.Эрдэнэбат, Ж.Батзандан, Н.Алтанхуяг, С.Эрдэнэ, Л.Гантөмөр нар “Хонх” хамтлагийн дуучин С.Цогтсайхан агсны гэрэлт хөшөөнд цэцэг өргөж хүндэтгэл үзүүлнэ.

11:00 цагт Зууны мэдээ сонины Үндэсний мэдээллийн төвд АН-ыг Үүсгэн байгуулагчдын холбооноос Ардчилсан намын даргад нэр дэвшигчдийн асуудлаар мэдээлэл хийнэ.

11:00 цагт Шударга өрсөлдөөн, хэрэглэгчийн төлөө газрын 905 тоот хурлын танхимд дүүргийн удирдлагуудтай 2017 онд хэрэглэгчийн эрхийг хамгаалах, хамтран ажиллах чиглэлийн асуудлаар зөвлөлдөх уулзалт болно.

12:00 цагт Баянгол дүүргийн хөдөлмөр халамжийн үйлчилгээний хэлтсийн хурлын танхимд Баянгол дүүргийн Залуучуудын гарааны бизнесийг дэмжих сургалт, арга хэмжээний уулзалт болно.