Герман улс Шинэ жилийн баярын уур амьсгалыг жинхэнэ утгаар нь оруулж байгаа аж. Тус улсын Дортмунд хотод дэлхийн хамгийн өндөр гацуур модыг чимэглэн байршуулжээ. Энэ гацуур мод 45 метр өндөр бөгөөд угсралтын ажил тун ч амаргүй явагдсан гэнэ шүү. Гацуур модыг угсрах ажилд дөрвөн долоо хоногийг зарцуулжээ. Баярын сүрт модыг тусгайлан ургуулсан жижиг хэмжээтэй 1700 гацуур модоор урласан аж.
Гэрлэн чимэглэлийн хувьд 50 мянган гэрэл шаардагджээ. Сонирхолтой нь, Германы “гол” гацуур мод Берлин хотын төвд сүндэрлэсэн бөгөөд 24 метр өндөртэй, амьд гацуур мод билээ. Баярын улирал эхэлж байгаатай холбогдуулан Герман даяар Зул сарын баяртай холбоотой бараг 3000 үзэсгэлэн худалдаа нээгдсэн аж. Тэр болгон дээр өөрийн гэсэн том гацуур мод сүндэрлэж буй юм.
Сэтгэгдэл бичигдээгүй байна