Шинэ Зеландад Оросын аялагч Федор Конюховын сэлүүрт завьтай дэлхийг тойрох аялал эхэлсэн байна. Шинэ Зеландын Данидин боомтоос гараагаа эхлүүлсэн далайн аялагч Чили улсын Горн эрэг рүү чиглэлээ авчээ. Тэндээс түүний хөлөглөсөн завь Австралийн Люин эрэг рүү явах бөгөөд тэндээсээ эргээд Данидин боомт руу ирэх юм. Түүний аяллын нийт урт 16 мянга гаруй бээр буюу 27 мянган км байх гэнэ.
Аялагч эр энэ замыг хоёр жил орчим хугацаанд туулна. Далайн аяллын түүхэнд өмнө нь хэн ч Антарктид тивийг бүрхсэн гурван далайг нэг удаагийн аяллаар туулж чадаагүй билээ. Горн эргийг сэлүүрт завиар хэн ч тойрч чадаагүй. Энэхүү аялалд зориулсан сэлүүрт завь “Акросс”-ыг Их Британийн загвар зохион бүтээгч Филипп Моррисон бүтээжээ.
Сэтгэгдэл бичигдээгүй байна