Францын шигшээ түүх шинээр бичлээ

"Евро 2024" тэмцээний сонгон шалгаруулах тэмцээний хүрээнд Францын хөлбөмбөгийн шигшээ баг өнгөрсөн шөнө Гибралтарыг 14:0-ээр хожиж, Европын аварга шалгаруулах тэмцээний түүхэн дээд амжилтыг шинэчиллээ. Өмнөх дээд амжилтыг Германы баг 2006 оны есдүгээр сард Сан Мариног 13:0-ээр хожин тогтоож байжээ.  

Францын шигшээ баг өмнө нь хэзээ ч нэг тоглолтод 10-аас дээш гоол оруулж байгаагүй. 1995 онд Азербайжаны 10:0-ээр хожсон нь дээд үзүүлэлт нь байв. Нэг үед долоон гоол оруулсан нь мөн л Францын багийн хувьд дээд амжилт бөгөөд өмнө нь 1957 онд Исландын хаалганд таван гоол оруулж байв.  

Түүхэн тоглолтын нэг хэсэг болсон Гибралтарын хөлбөмбөгийн тухайд, үндэсний лигтэй, 3-4 дажгүй тэнцүү баг гол өрсөлдөөнийг үзүүлдэг гэнэ. Испанийн лигт тоглож байсан хөлбөмбөгид байдаг, багууд нь сард 3-4 мянган еврогийн цалинг тоглогчдодоо толгой өвдөлгүй өгөх бололцоотой гэж, тус улсад тоглодог орос хөлбөмбөгч Яков Шмелев спортс.ру цахим хуудаст ярьсан байна. 

Франц – Гибралтар 14:0 (7:0, 7:0)

2023.11.18.  «Альянц Ривьера» цэнгэлдэх
Гоол:
1:0 – 3, автогоол Сантос, 2:0 – 4 Тюрам, 3:0 – 16 Заир-Эмери, 4:0 – 30, пенальти Мбаппе, 5:0 – 34 Клосс, 6:0 – 36 Коман, 7:0 – 37 Фофана, 8:0 – 63 Рабьо, 9:0 – 65 Коман, 10:0 – 73 Дембеле, 11:0 – 74 Мбаппе, 12:0 – 82 Мбаппе, 13:0 – 89 Жиру, 14:0 – 90 Жиру.

Франц – Меньян, Клосс, Упамекано (Салиба, 81), Тодибо, Эрнандес, Рабьо (Камара, 67), Заир-Эмери (Фофана, 20), Коман (Дембеле, 66), Гризманн, Тюрам (Жиру, 67), Мбаппе.
Гибралтар – Кулинг, Сарджент, Чиполина, Муэли, Сантос, Чиполина (Оливеро, 61), Уокер (Джолли, 62), Де Харо, Посо, Де Барр (Кумбз, 81), Кассиаро.
Шар хуудас:
Кассиаро (31).
Улаан хуудас:
Сантос (18).