Д.Сумъяабазар аварга нутгийнхаа бөхчүүдийн бэлтгэлтэй танилцаж, туршлагаа хуваалцжээ.
Энэ талаар тэрбээр "Өвөрхангай нутгийнхаа "Их Монголын хүчтэн" дэвжээний галаар очиж, Үндэсний их баяр наадмын өмнөх бэлтгэлтэй нь танилцан, өөрийн мэддэг арга барил, туршлагаасаа залуу бөхчүүдтэйгээ хуваалцлаа.
Монгол Улсын аварга хэмээх эрхэм цол хүртээд 20 жил өнгөрчээ. Цаг хугацаа өнгөрөх тусам надад өгсөн энэ эрхэм цол зөвхөн бахархал биш, харин дараагийн үеийн бөхчүүддээ мэдлэг, туршлагаа өвлүүлэх хариуцлага гэдгийг улам илүү мэдэрдэг. Нутгийн минь бөхчүүд ч өнгөтэй сайхан байна.
Наадам дөхсөн энэ өдрүүдэд бэлтгэлээ базааж буй нийт бөхчүүддээ амжилт хүсье. Монгол бөхийн сүр хүч, өв уламжлал үеийн үед мөнхөд дэлгэрэх болтугай" гэжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна