Стэнлийн цомын 5 удаагийн аварга Питтсбург Пингвинз багийн залуу довтлогчдын нэг Жейк Генцел өнөөдөр үндэсний хоккейн лиг дэх 100 дахь оноогоо авсан байна. Виннипег Жетс багийн эсрэг хийсэн тоглолтын эхний үед Америк довтлогч багийн ахлагч Канад залуу Сидней Кросбид гоолын дамжуулалт гарган өгсөн нь түүний үндэсний хоккейн лиг дэх 100 дахь оноо болжээ.
2016 оноос Питтсбург хотын багийн гарааны тоглогч болсон түүний хувьд удалгүй багийн салшгүй нэгэн хэсэг болж чадсан бөгөөд энэ улиралд 11 гоол, 8 гоолын дамжуулалтыг өгөөд байна. Жейк Генцел ням гаригт Коламбус Блю Жекетс багийн эсрэг хийсэн тоглолтонд карьерийнхаа анхны хетрикийг толилуулж баг нь 4-2 харьцаагаар өрсөлдөгчөө буулган авсан юм.
Сэтгэгдэл бичигдээгүй байна