БНСУ-д үер, хөрсний гулгалт дагуулсан аадар борооны улмаас хүний амь эрсдэж, сураггүй алга болсоор байна. Хүчтэй орсон аадар борооны улмаас хотын төв үерт автаж, өнөөдрийн байдлаар алдсан болон сураггүй болсон хүний тоо 49-д хүрсэн байна.
Албаны мэдээллээр улсын хэмжээнд борооны улмаас 10,570 хүн орон гэрээ нүүлгэн шилжүүлсэн байна. Мөн 628 нийтийн эзэмшлийн барилга байгууламж, 317 хувийн өмч эвдэрч сүйдсэнээс 146 зам нурж, урссан, 139 байшин усанд автсан байна.
Хүчтэй аадар борооны улмаас улсын хэмжээнд нийт 28,607 өрх цахилгаангүй болж, даваа гарагаас эхлэн ихэнх айл өрх цахилгаан эрчим хүчгүй болсон байна.
Гамшиг, аюулгүй байдлын эсрэг штабын мэдээлснээр, 7-р сарын 9-нөөс хойш төв болон доод бүс нутагт 500 гаруй миллиметр бороо орсны дотор Өмнөд Чунчон мужийн Гонгжу хотод 626 мм, ойролцоох Чоньян мужид 614 мм, төв хэсэгт 580 мм бороо орсон байна. Сэжон хот болон Хойд Кёнсан мужийн Мунгён хотод 522 мм.
Даваа гарагийн өглөө Чунчон муж, өмнөд бүс нутаг, Чежү аралд аадар бороо орохыг анхааруулж байгаа бөгөөд цаг уурын агентлаг Жоолла муж болон ойр орчмын газруудад 40 мм/цаг хүртэл бороо орж болзошгүй гэж мэдэгдэв
БНСУ-д 51 мянган монголчууд ажиллаж, амьдарч буй. Одоогийн байдлаар ЭСЯ болон ГХЯ-аас тус иргэдийн нөхцөл байдлын талаар мэдээлэл хийгээгүй байна.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна