ҮСХ: Инфляци 10.6 хувьд хүрлээ

Үндэсний статистикийн хорооноос Монгол Улсын нийгэм, эдийн засгийн 2023 оны эхний хагас жилийн статистик үзүүлэлтүүдийг танилцууллаа.

Онцолбол, инфляцын түвшин буюу хэрэглээний бараа үйлчилгээний үнэ энэ оны зургаадугаар сард өмнөх сараас 1 хувиар, өмнөх оны мөн үеэс 10.6 хувиар өссөн байна. 

Инфляци өсөхөд голлон нөлөөллсөн нь:

• Хүнсний бараа, ундаа, ус-18.2%
• Зочид буудал, нийтийн хоол, дотуур байрны үйлчилгээ-16.1%
• Хувцас, бөс бараа, гутал-11.7%
• Гэр ахуйн тавилга, бараа-10.6%
• Согтууруулах ундаа, тамхи-7.3

Хэрэглээний бараа үйлчилгээний үнэ Улаанбаатар хотод энэ оны зургаадугаар сард өмнөх сараас 1.1 хувиар, өмнөх оны мөн үеэс 10.4 хувиар өссөн байна. Энэ оны зургаадугаар сард бүх аймагт өмнөх оны мөн үеэс 8.5-14 хувиар өссөн байна. Үүнд Сүхбаатар аймаг 8.5 хувиар өссөн нь хамгийн бага, Баянхонгор аймаг 14 хувиар өссөн нь хамгийн өндөр үзүүлэлт байна.