Налайх-Тэрэлж чиглэлийн авто замыг засварлахаар түр зам гаргажээ

2023/07/21

Улсын чанартай А24 дугаартай Налайх-Тэрэлж чиглэлийн авто замын 46-48 дахь км-т ээлжит засварын ажил эхэлж байгаа тул хэсэгчлэн хааж, түр зам гаргажээ. 

Зорчих хөдөлгөөн хэвийн үргэлжилж байна.

Түр замаар зорчихдоо хөдөлгөөний аюулгүй байдлыг хангах үүднээс:

  • Хурд багатай зорчих
  • Хуурайшилтай үед шороо босож үзэгдэх орчин хязгаарлагдах эрсдэлтэй тул анхаарал болгоомжтой зорчих
  • Хур тунадас ихтэй үед шавар, уснаас болгоомжлохыг анхаарууллаа

Түр зам гаргаснаар зорчих үед шороо ихээр босох эрсдэлийг бууруулахаар тогтмол ус цацах ажил хийгдэх аж.

Мөн цаг агаарын нөхцөл байдлаас хамаарч хур тунадас ихээр орсон үед том оврын тээврийн хэрэгсэл газар ухах, суух нөхцөл байдал үүсвэл чирч гаргах, шороо дүүргэх зэрэг ажлуудыг давхар төлөвлөн ажиллаж байна.

Иймд жолооч, зорчигч та бүхнийг хүлээцтэй анхаарал болгоомжтой зорчихыг санууллаа

 



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна