Нийслэлд өнөөдөр 20.00 орчимд эхэлж, 20 минут үргэлжилсэн усархаг борооны улмаас Баянзүрх, Сүхбаатар дүүргийн нутаг дэвсгэр, Цагаан даваа орчимд үеийн ус орж ирж, ард иргэдэд их хэмжээний хохирол учруулаад байна. Энэ удаагийн үер авто зам дагуу болсон бөгөөд энэ нь авто замаас бусад газарт үерийн ус чөлөөтэй урсаж, Туул, Сэлбэ голд нийлэх бололцоо байхгүйг харуулж байгаа юм.
Нийслэлд иргэд газар эзэмших бололцоог хаасан хэдхэн шалтгаан бий. Өндөр хүчдэлийн шугам дор, усны хагалбарын бүсэд, бас... Үер усны аман дээр газар олгохыг хориглодог. Харамсалтай нь энэ дүрэм журмыг зөрчсөнөөс болж өөрсдөө ч хохирч, бусдыг ч хохироож байна.
Гуу жалгыг ч шороогоор дарж байгаад буучихдаг, барилга байгууламж барьчихдаг иргэд үүнд буруутай ч "Гээндээ ч бий, гоондоо ч бий" гэдэг шиг, сонгууль дөхөх үеэр улс төрийн ашиг хонжоо харж хууль бус үйлдлийг нь хүлээн зөвшөөрдөг эрх баригчид ч үүнд буруутай. Гаж жишиг үргэлжилсэн хугацааг нь тооцвол үүнд одоогийн эрх баригч МАН ч, өмнө нь эрх барьж байсан АН ч ялгаагүй буруудна.
Тэгэхээр, одоо энэ гаж жишгийг өөрчилье. Асуудал аминд тулаад ирчихлээ шүү дээ. Өмнө нь туршлагаар батлагдсан, үерийн ус орж ирдэг амуудын эхэнд ямар нэгэн байдлаар суурьшлын бүс үүсэж, далан суваг руу орох зам нь хаагдсанаас ийнхүү автозам дагуу үерлэж, иргэдийн амь нас, эд хөрөнгөд хохирол учруулж байж болзошгүй байна.
Тиймээс өмнө нь практикаар батлагдсан, үерийн ус орж ирдэг тодорхой байршлуудыг судалж, өнгөрсөн хугацаанд ямар өөрчлөлт гарсан, үүнээс болж өөр ямар, ямар газруудаар үерийн ус буух магадлалтай болов гэдгийг судалж, үеийн ус хаанаас ч чөлөөтэй урсан голд нийлдэг болгох ажлыг яаралтай зохион байгуулах цаг болсон байна. Өнгөрсөн сарын их үерийн сургамжаар Туул, Сэлбэ голын гольдролыг өргөтгөх, чөлөөлөх ажил эхлэхээр болсон. Энэ ажлаас дутуугүй чухал нь энэ болчиоод байна.
Нийслэлээс улсын төсөвт татуулалгүй авч үлдсэн төсвийн нэгээхэн хэсгийг энэ ажилд зориулахгүй бол бороо орох болгонд автозам эвдэрч, үер буух тоолонд хүн, машинтайгаа урсдаг болох нь.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
88.116.92.142
Авилага өөр юу ч биш...
Хариулах202.126.89.93
Correct
Хариулах103.254.123.51
Маш зөв нүүлгэн шилжүүлэлт хийх цаг болсон. Дэлхийн дулаарлаас ирээдүйд илүү их бороо ус үер цасны нуранги хөрсний суулт гулгалт хаа сайгүй явагдаад жилээс жилд ихсэх нь тодорхой болоод байна. Эртхэн зохион байгуулж нүүлгэхгүй бол илүү их хохирол дагуулна.
Хариулах