Л.Оюун-Эрдэнэ: Хоёр жилийн хугацаанд авлигыг жигших нийгмийн шинэ соёлыг бий болгоно

Админ
2021/07/19

Авлигын индексийг бууруулах ажлын хэсгийн анхны хуралдаан өнөөдөр боллоо.

Уг хуралдааны үеэр Ерөнхий сайд Л.Оюун-Эрдэнэ “Өнгөрсөн 30 жилд олон сайн зүйл бий болсон ч сул талууд ч гарлаа. Түүний нэг нь төрийн байгууллагын хүнд суртал. Авлига хээл хахууль нэмэгдэж, нийгэмд баян хоосны ялгаа асар их болсон. Эдгээр нь иргэдийн амьдралын чанарт нөлөөлж, дундаж давхаргыг бүрдүүлэхэд саад болж байна. Өнгөрсөн 30 жилд авлигатай тэмцэх олон ажил хийсэн ч илүү сайжруулах шаардлага байна. Тиймээс энэ ажлыг илүү өргөн хүрээтэй явуулах авлигын хөрс сууринаас нь таслан зогсоох зорилгоор Авлигын индексийг буруулах ажлын хэсэг байгуулж байна” гэлээ. Мөн “Аль ч улс оронд гүйцэтгэх засаглал нь авлигатай тэмцдэг. Тиймээс Засгийн газар өөрийнхөө зүгээс юу хийж чадах зүйлээ хийнэ. Авлигатай тэмцэх газар, хууль хяналтын байгууллагад дэмжлэг үзүүлж, хамтарч ажиллана. Хоёр жилийн хугацаанд авлигыг жигших нийгмийн шинэ соёлыг бий болгоно” гэж мэдэгдлээ.

Ажлын хэсэг авлигын гэмт хэргийг бий болгож байгаа суурь хүчин зүйлс буюу хууль эрх зүйн орчныг сайжруулах, цахим шилжилтийг эрчимжүүлэхэд гол анхаарлаа хандуулах аж. Мөн ХБНГУ-ын Берлин хотод төвтэй “Транспаренси Интернэшнл” олон улсын төрийн бус байгууллагатай хамтарч ажиллахаар болжээ.

Тус байгууллага жил бүр улс орнуудын төрийн албан дахь авлигын талаар шинжээч, бизнес эрхлэгчдийн судалгаанд үндэслэн Авлигын төсөөллийн индексийг боловсруулдаг бөгөөд 2020 оны дүнг 2021 оны нэгдүгээр сарын 28-ны өдөр дэлхий нийтэд зарлажээ. Индексийн дүнгээр Монгол Улс 2020 онд 35 оноо авч 180 улс орноос 111 дүгээр байрт эрэмбэлэгдсэн байна. Энэ нь өмнөх оныхтой онооны хувьд ижил боловч таван байраар ухарсан үзүүлэлт болж байна.

Монгол Улс өмнөх оныхоос оноо буурсан үндсэн шалтгаан нь төрийн албан хаагчид эрх мэдэл, албан тушаалын байдлаа урвуулаaн ашигладаг байдал нэмэгдсэнээс хамаарсан байж болох судалгааны дүн гарсан. Түүнчлэн бизнес эрхлэгчид үйл ажиллагаа эрхлэх болон гэрээ, хэлцэл байгуулахад авлигатай нүүр тулах эрсдэл нэмэгдсэн гэх шалтгаанаар манай улсын үнэлгээ буурсан байна.

Засгийн газраас гарч байгаа шийдвэр анхан болон дунд шатанд хэрэгжихгүй байгаагаас иргэдэд төрийн үйлчилгээг хүргэхдээ хүнд суртал, авлига дагуулж буйг таслан зогсоохоо Ерөнхий сайд мэдэгдлээ. Энэ хүрээнд олон нийтийн дунд тандалт судалгааг долоо хоног бүр явуулж, хамтарсан төсөөллийн судалгаагаар хамгийн их хүнд суртал үүсгэж байгаа газрыг тогтоож, дээрх Ажлын хэсэг асуудлыг шийдээд явна. Товчхондоо, авлигын эсрэг тэмцэл зөвхөн УИХ, хуулийн байгууллагынхны биш иргэн бүрийн оролцох асуудал гэдгийг Ерөнхий сайд Л.Оюун-Эрдэнэ уулзалтын үеэр хэллээ. Мөн Шүгэл үлээгчдийн эрх зүйн байдлын тухай хуультай болох шаардлагатай байгааг онцолсон юм.  Улс төрийн намын санхүүжилтийн тухай хуультай болох ёстойг ч Ерөнхий сайд яриандаа дурдсан юм.

Манай улсад авлигын хэргийг шийддэг дагнасан шүүх тогтолцоог бүрдүүлэх шаардлага байгаа гэж үзжээ. Ийм чиглэлийн хэргийг дагнаж шийдэж байгаагүй шүүгч, өмгөөлөгч, прокурор, хуулийн байгууллагын ажилтнууд ажиллахаар хэрэг замхрах урьдач нөхцөл болж байна гэж албаныхан үзэж байна. Энэ чиглэлийн хууль эрх зүйн орчин дутмаг байгааг Ерөнхий сайд онцолж, УИХ-ын Ёс зүйн хороотой хамтарч ажиллаж, ах, дүү, хамаатан, садны томилгоотой тэмцэхээ мэдэгдсэн юм. Төр тунгалаг байж чадвал хувийн хэвшлийнхэнтэй холбоотой авлигын асуудал үүсэхгүй гэдгийг Ерөнхий сайд онцоллоо. Шинэ 30 жилд Монгол Улс авлигагүй болохын тулд хоёр жилийн хугацаанд нарийвчилсан ажлын төлөвлөгөө гаргах ажиллахаар боллоо.




Сэтгэгдэл (9)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 87.66.142.201
    2021/07/20

    30 jild bugshaad uurleed urjeed irsen shu de, Ta 2hon jild chadahuu? Tegwel uursduusuu ehleh bolj dee

    Хариулах
  • 202.126.90.50
    2021/07/20

    Нам чинь хулгайчаар дүүрэншдээ.Гэмгүй хүмүүсийг хэлмэгдүүлээд эхлэх вий дээ.

    Хариулах
    • 202.126.90.50
      2021/07/20

      Попрох нь дээ

  • 66.181.161.26
    2021/07/19

    Энэ засгийн газрын үед зоригтойхон барьж авч төрийн 3-н өндөрлөг,УИХ,Засгийн газар,Цагдаа,Шүүх Тагнуул,АТГ,Прокурор хүчтэйхэн тэмцэхгүй бол ер нь хэзээ ч дийлдэхээргүй болж байна,Наад хуулийн байгууллагаар чинь дүүрэн шүд амаа хурцалсан хархнууд байгаа шүү дээ,Засгийн газрын дэргэдэх Авилгын хороогоо хурдан байгуулаад явбал их зүгээр шүү,Ядахдаа мэдээлэл хурдан,маневар түргэн хамгаалалт сайн ,Хэргийн нөхцөл байдлыг зөв дүгнээд цааш нь шилжүүлээд байхад наадуул чинь шийдэхгүй гээд яах юм,Нийгмээрээ хулгайч баячуудыг үзэн яддаг,гишгэх газаргүй болтол нь ялгаварлан гадуурхийе,Хулгай авилгалаар баяжсан ноход ч боргоож өгнө дөө,Бүү шантар,ард чинь асаалттай танк ард түмэн байгаа,амжилт хүсье,Эх орон минь орших эс оршихын торгон зааг дээр байна,

    Хариулах
  • 103.212.118.241
    2021/07/19

    Танай намд нэг ч хулгайч үлдэхгүй бүгд зайлсан цагт авилга устана хамгийн сүүлд чи хаалгаа зөөлөн хаагаад явахад монгол улс лугаа хөгжинө

    Хариулах
  • 66.181.176.208
    2021/07/19

    uuruu ch tsavchaa hiideg avilgach shuudee... hajuudah hurelsuhiinhee terbumiig shalgaach...chadahgu i baij tom tom shaaj onigoo boloh hereggui

    Хариулах
    • 103.229.120.192
      2021/07/19

      Оюун эрдэнэ Попроогоо дахин эхлүүлж байна.60 тэрбум, ЖДҮ ХОДС зэрэг мартагдсан хэрүүлээ шалгаж дуусчихаад наад үгээ хэлээч ээ Өөрөө ч холбогдож мэдэх хэрэг байгаа даа.Наад зах нь ХЭНТИЙД овоолсон гадаргууд, 400 сая жуулчин гэх мэт асуудал нас туршид чинь дагалдах байх шүү

  • 202.126.89.194
    2021/07/19

    Good luck

    Хариулах
  • 202.179.25.90
    2021/07/19

    эхлээд наад Нам дотроо байгаа Авилгачид болох Сү, Батболд Хүрэлбаатар, Чойжилсүрэн, гэх мэтийн Толгой Авилгачид даа Арга хэмжээ авсны дараа л ЕС-д Оюунэрдэнийн Мэдэгндэж байгаа зүйлд Итгэж болох юм,

    Хариулах