Зуслангийн байшингаас хулгай хийж байсан этгээдийг үйлдэл дээр нь илрүүлжээ

Өнгөрсөн амралтын өдрүүдэд Цагдаагийн байгууллагаас 11 хулгайн гэмт хэргийг илрүүлжээ.

Тодруулбал, хоёрдугаар сарын 19-ний өдрийн 22:33 цагт Сүхбаатар дүүргийн 19-р хороо "Хандгайтын богинод байрлах зуслангийн байшинд хулгайч орсон юм шиг байна, дохиолол ажилласан" гэсэн мэдээллийг цагдаагийн байгууллагад ирүүлснийг алба хаагчид шуурхай шалган 54 настай, эрэгтэй “Э” гэгч нь хулгай хийж байсныг үйлдэл дээр нь илрүүлсэн байна.

Мөн өнгөрсөн Бямба, Ням гарагт Баянзүрх дүүрэгт үйлдэгдсэн гурав, Сонгинохайрхан дүүрэгт үйлдэгдсэн хоёр, Сүхбаатар дүүрэгт үйлдэгдсэн хоёр, Баянгол дүүрэгт үйлдэгдсэн гурав, Хөвсгөл аймагт үйлдэгдсэн нэг хулгайлах хэргийг шуурхай илрүүлэн мөрдөн шалгах ажиллагаа явуулж байгаа талаар ЦЕГ-аас мэдээллээ.

Иймд иргэдийг гэр, орон сууцныхаа:

• Хаалга, цонхны бэхэлгээг сайжруулах,
• Үнэтэй эд зүйлийг далд газарт хадгалах,
• Дохиолол, хамгаалалт, хяналтын камер суурилуулах,
• Харуул, хамгаалалттай байлгах,
• Эзгүй орхисон үед хөрш айлдаа мэдэгдэхийг цагдаагийн байгууллагаас зөвлөв.