Аялал зугаалгын үед үр хүүхэддээ тавих хараа хяналтаа бүү сулруул

Энэ оны эхний долоон сарын байдлаар улсын хэмжээнд нийт 13 хүн усны ослоор амиа алджээ. 

Өнгөрсөн жилийн үндэсний их баяр наадмаар усны ослоор 21 иргэн буюу 18 том хүн, 3 хүүхэд амь насаа алдсан тохиолдол бүртгэгдэж байжээ. 

Гурван хүүхэд амиа алдсан гэх тохиолдолд эцэг эх, асран хамгаалагч  нь  архидан согтуурч, голын эрэг дагуу байсан гэх нөхцөл байдал тогтоогдсон хэмээн цагдаагийн байгууллагаас мэдээлж байна. Иймд баяр наадмын урт хугацааны амралт эхэлж байгаатай холбогдуулан та бүхэнд сэрэмжлүүлэг мэдээллийг хүргэж байна. 

• Гол мөрөн, тогтоол усны эрэг дагуу газар бага насны болон насанд хүрээгүй  хүнийг харгалзахгүй  хүнгүй  орхихгүй  байх
• Гол усны түвшин нэмэгдсэн үед зориулалтын гарц гарам, тэмдэглэгээтэй газраар зорчих 
• Цаг агаарын мэдээг урьдчилан харах
• Гол усны ойролцоо байрлах бол эргээс 100 м зайтай хол байрлах
• Хүүхдийг гол усны ойр тоглуулахдаа хараа хяналтаа сайжруулах
• Согтууруулах ундаа хэрэглэсэн үедээ гол усанд орохгүй байх
• Хүүхдэд учирч болох эрсдэлтэй нөхцөл байдлыг энгийн ойлгомжтой үгээр тайлбарлан, аюулгүй байдлыг хангахад хүн бүр анхаарал хандуулж хянаж байхыг Цагдаагийн байгууллагаас зөвлөж байна.