Төв аймгийн Борнуур сумын Өгөөмөр багийн нутаг, "Аглаг бүтээлийн хийд”-ийн ойролцоох Бороо голын үерийн усанд 10 гаруй автомашин боогдож, урссан дуудлага өчигдөр буюу 21-ний өдрийн 22:50 цагт ОБЕГ-т иржээ.
Дуудлагын дагуу ОБЕГ-ын харьяа Үндэсний аврах бригад, Нийслэлийн Аврах анги, Төв аймгийн Онцгой байдлын газрын Эрэн хайх, аврах ангийн алба хаагчид газар дээр нь очиж ажиллаж байна.
Алба хаагчид үерийн усанд боогдсон, урссан 10 автомашиныг татан гаргаж, 14 хүн /үүнээс 3 хүүхэд/-ийг авран хамгаалжээ.
Одоогийн байдлаар ус шаварт суусан автомашиныг татан гаргах, үерийн усанд урссан хоёр иргэнийг эрэн хайх ажиллагааг үргэлжлүүлэн зохион байгуулж байгаа аж.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна