Ус цаг уур, орчны судалгаа, мэдээллийн хүрээлэнгээс голуудын усны түвшин, ойрын өдрүүдийн цаг агаарын урьдчилсан төлвийн талаар мэдээлэл гаргажээ.
мэдээлэлд дурдсанаар, өнөөдрийн байдлаар Идэр голын эх хавиараа, Хэнтий нуруунаас эхтэй Туул гол Төв аймгийн Лүн сум орчмоор усны түвшин нь өмнөх өдрийнхөөс 5-10 см нэмэгджээ. Түүнчлэн Орхон, Ерөө, Хараа гол, Халх орчимд үерийн түвшин 5-40 см, Сэлбэ голын үерийн түвшин 4 см давсан бол Туул гол нийслэл орчимд үерийн аюултай түвшинг 30 см даван үерлэсэн хэвээр байна.
Цаг агаарын тухайд, маргааш буюу наймдугаар сарын 2-нд баруун аймгуудын нутгийн хойд хэсэг, говийн аймгуудын нутгуудын зарим газар, төв болон зүүн аймгуудын ихэнх нутгаар бороо, аадар бороо орох төлөвтэй байгаа тул гол мөрний сав дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэдийг үерийн аюулаас сонор сэрэмжтэй байхыг анхааруулжээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна