ЕБС-ийн нэгдүгээр ангийн элсэлтийн бүртгэл өнөөдөр эхэлнэ

ЕБС-ийн нэгдүгээр ангид орох хүүхдүүдийг наймдугаар сарын 15-ны Мягмар гарагт "E-Mongolia" системээр бүртгэж эхэлнэ.

Тодруулбал: 

1. E-Mongolia системд өөрийн бүртгэлээр нэвтэрнэ.
2.  Үйлчилгээ цэсээс "Боловсрол" цонхыг сонгон нээнэ.
3. "Төрийн өмчийн ерөнхий боловсролын сургуулийн нэгдүгээр ангийн элсэлт, бүртгэл" үйлчилгээг сонгоно /Бүртгэл эхлэх өдөр үйлчилгээг олон нийтэд нээлттэй болгоно/.
4. Дэлгэцэд таны сургуулийн насны хүүхдүүдийн мэдээлэл гарч ирнэ.
5. Сургуульд элсэх хүүхдийнхээ мэдээлэлтэй танилцан, асуултыг бөглөөд үргэлжлүүлэх товч дарна. Үүний дараа таны хүүхдийн элсэлтийн төлөв харагдана.
6. Мэдээллээ дахин нягтлаад баталгаажуулах хэсэгт дарж "Тийм" товч дарснаар таны хүсэлт амжилттай илгээгдэнэ.