Үер усны аюулт нөхцөл байдал ар араасаа иргэдийн амь нас, эд хөрөнгө, ирээдүйд хор хохирол, эрсдэл учруулан, зайлшгүй анхааралдаа авах асуудлуудын нэг болоод удаж байна.
Үерийг:
-Гол мөрний, Шар усны, Уруйн гэж ялгадаг.
Удаан хугацаагаар үргэлжилсэн болон аадар бороо орсон, өвөл хавар орсон их хэмжээний цас богино хугацаанд хайлсны улмаас гол мөрний, шар усны болон уруйн үер болох нөхцөл бүрддэг байна.
Тэгвэл "Нийслэлийн бодлогын судалгаа шинжилгээний төв" болон холбогдох мэргэжлийн байгууллагууд хамтран Улаанбаатарт үерт өртөх эрсдэлтэй бүсийн судалгааг гаргажээ. Үүнд:
Голын үер буух эрсдэлтэй 8 байршил
Шар усны үер буух эрсдэлтэй 3 байршил
Уруйн үерт өртөх эрсдэлтэй 75 байршил байгаагаас 20 нь өндөр эрсдэлтэй үерийн бүс хэмээн тогтоогджээ.
Нийслэлийн 4 дүүргийн нутаг дэвсгэрт халиа, дошин үүсэх эрсдэлтэй бүсэд газар ашиглалтын судалгаагаар зөвшөөрөлтэй 1110, зөвшөөрөлгүй 1177 хашаа, нийслэлийн 7 дүүргийн нутаг дэвсгэр үерийн эрсдэлтэй бүсэд зөвшөөрөлтэй 2165 нэгж талбар, зөвшөөрөлгүй 735, нийт 2900 нэгж талбар байна. Мөн үер усны болзошгүй аюул үүссэн үед 29 байршлын 427,3 га талбайд 2900 өрх нүүлгэн шилжүүлэх боломжтой гэсэн тоон судалгаа гарчээ.
Иргэд, ААН-үүдийг үерийн эрсдэлтэй бүсээс нүүлгэх, анхааруулах ажил явагдаж байгаа бөгөөд Улсын онцгой комиссоос сүүлийн 4 жил үерийн эрсдэлтэй бүсэд зөвшөөрөлгүй буусан айл өрхүүдэд 5683 удаа мэдэгдэл өгч ажиллаж байна.
М.СИЙЛЭН
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.89.117
Hed baigaag ni togosoo tsonh bol boloodo ajil
Хариулах