#Robot_Challenge_World_2023
БНХАУ-ын нийслэл Бээжин хотод 2023 оны 8-р сарын 11-13-ны хооронд 2004 оноос хойш зохиогдсон Robot Challenge World 2023 тэмцээн амжилттай зохион байгуулагдаж өндөрлөлөө.
Тэмцээнд нийт 24 орны 3000 гаруй оролцогч, 1600 гаруй роботоор, 12 багц медалийн төлөө өрсөлдөж, 600 шүүгч шүүн дэнсэлж, 220 байгууллага хамтран ажилласан байна. Тэмцээний нээлтэнд 45 хүний бүрэлдэхүүнтэй Монголын багийн туршлагатай оролцогч багийн ахлагч Батзаяагийн удирдлага дор жагсан оролцлоо. Тэмцээний нээлтэнд Монгол улсаас суугаа ЭСЯ-ны түр хамаарагч, элчингийн зөвлөх Л.Мөнхтүшиг үг хэлж оролцсон нь онцлог байлаа.
Монгол тэмүүлэл сургуулиас Б.Ариунболор, Г.Шинэ-Од багштай 14 сурагч, Шинэ эрин сургуулиас Г.Идэржаргал багштай 4 сурагч 7 төрөлд оролцож:
Mega sumo-adult төрөлд оролцсон багш Г. Шинэ-Од эхний өдөр 2-р байранд орж мөнгөн медалиар энгэрээ мялаан булган сүүлтэй байж чадлаа.
Тэмцээний 3 дах буюу сүүлийн өдөр манай 2 баг-сурагчид Robot rugby-senior төрөлд урамтай сайн оролцож алт, хүрэл медалийн эзэд болж, Монгол тэмүүлэл сургуулийнхаа нэрийг олон улсын тавцанд өндөрөөр үнэлүүлж чадлаа.
Шинэ эрин сургуулийн баг 25 багаас 5-р байрт орж амжилттай сайхан оролцлоо.
Биднийг амжилттай сайхан оролцоход бүхий л талаар дэмжин тусалсан эцэг эх, асран хамгаалагчид, Шинэ Эрин, Монгол тэмүүлэл сургуулийн захиргаа, удирдлагуудад чин сэтгэлээсээ талархсанаа илэрхийлье.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна