Хятадын ГХЯ-ны хэвлэлийн төлөөлөгч Ван Вэньбин Хятад болон Хойд солонгос улс хооронд шууд нислэг үйлдэх болсон талаар мэдээллээ.
Хятад улс 2023 оны 1-р сарын 8-ны өдрөөс эхлэн корона вирусын халдварын эсрэг “В зэрэглэлийн хяналт” хэрэгжүүлэж байгаа. Тус ерөнхий төлөвлөгөөгөө зарласны дараагаар дотоод болон гадаадын агаарын тээврийн компаниудын олон улсын зорчигч тээврийн нислэгийг сэргээх өргөдөл хүсэлтүүдийг хүлээн авч эхэлсэн.
2023 оны зун Хятад улс Хойд Солонгосын Air Koryo компанийн хүсэлтийг үндэслэн Пхеньян-Бээжин-Пхеньян болон бусад зорчигч тээврийн чиглэлийн хуваарийн нислэгийн төлөвлөгөөг журмын дагуу баталсан бөгөөд нислэгийг Хятадын эрх бүхий байгууллагын зөвшөөрлийн дагуу агаарын тээврийн компани удирдана хэмээн мэдээллээ.
А.Болор-Эрдэнэ
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна