Н.Энхбаяр: Айгаагүй бол дахин сонгууль явуулчих

2020 оны 06 сарын 26

МАХН-ын дарга Н.Энхбаяр: Сонгууль амжилттай болж дууслаа. Та бидний эвсэл идэхвтэй оролцсон. Гэхдээ энэ бол луйвар бульхайны сонгууль боллоо. Ийм учраас Та бидний эвсэл энэ сонгуулийг хүчингүйд зарлахаас өөр аргагүй. Сонгууль шударга болж байж нийгэм тогтвортой байна. Сонгуультай холбоотой ноцтой зөрчлүүд бүртгэгдэж байна. Мөнгө төгрөг тараах, нэг хаяг дээр олон хүн бүртгүүлэх, гадаадад байгаа хүмүүсийн саналыг буулаах зэрэг луйвар булхай гарсан.

Тийм учраас энэ асуудлаар бид Ерөнхийлөгчид хандана. Бусад нам болон бие даагчдын хамт өнөөдөр 17 цагт ерөнхийлөгчтэй уулзахаар цаг авсан. Ерөнхийлөгч сонгууль шударга явагдах ёстой гэж хэлж байсан учир энэ асуудлыг шийдвэрлэж өгнө гэж найдаж байна. Мөн СХД-д сонгогчдын саналтай холбоотой асуудал гарсан.

Яалт ч үгүй сонгогчдын саналыг урьдчилаад уншуулчихсан байна. Тийм учраас энэ удаагийн сонгуулийн үр дүнг хүлээн зөвшөөрч чадахгүй. СЕХ-г татан буулгах хэрэгтэй. Дахин санал хураалт явуулах ёстой. 

Сонгуулийн ерөнхий хороог татан буулгах хэрэгтэй. У.Хүрэлсүх ээ! айгаагүй бол дахин сонгууль явуулчих. С.Эрдэнэ даргаа та хуйвалдаагүй, ял авахаасаа айгаагүй бол надтай хамт луйврын сонгуулийн эсрэг хамтдаа тэмцье.  Бусад бие даагч, намуудтай хамтарч энэ удаагийн сонгуулийг хүлээн зөвшөөрөхгүй гэдгээ хэлмээр байна. Ж.Батзанданд хэлэхэд шударга ёсны төлөө зогсоё.

Монгол ахиад сэрэхээргүйгээр, сэхэхээргүйгээр МАН-ын дарангуйлалд өртлөө. Одоо тэмцэх цаг нь болсон. Тууштай тэмцэх болно гэдгээ хариуцлагатайгаар мэдэгдэж байна.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.